掃呢頁CODE去手機

2018年2月26日 星期一

用假身份去北韓!林作:人生最黑暗嘅一日 __,林作,

林作又有嘢爆!南韓冬季奧運會正式閉幕,前大律師林作喺社交網上有感而發,透露出他約十歲時曾到北韓的經驗,佢話:「望住南北韓運動員好團結咁一齊步入會場,我 ...


林作又有嘢爆!


南韓冬季奧運會正式閉幕,前大律師林作喺社交網上有感而發,透露出他約十歲時曾到北韓的經驗,佢話:「望住南北韓運動員好團結咁一齊步入會場,我就想起當年10歲左右,媽媽曾經貪玩,靠著(着)喺內地嘅政經人脈,用假身份喺吉林帶咗我入去北韓近中國邊境嘅特別經濟區觀光,並渡(度)過一夜。」

「呢個決定,太過不負責任。」

林作憶述那次是他人生中最黑暗的一日,佢話:「呢個係我人生最黑暗嘅一日。我亦感覺此後同媽媽嘅關係冇溫暖過 - 呢個決定,太過不負責任。」林作指自己並不是到了有地鐵的平壤等大城巿,而是鄉下,佢話:「我去嘅,係連食水、熱水供應都有問題嘅鄉下。導遊兼挾持人質式嘅半軍佬帶我地(哋)去遊客商店逛。見到細瓶日本製汽水,即刻大讚然後俾(畀)面買咗支。上番車,睇番製造日期 - 過期兩年。」

「夜晚住嘅酒店別墅,似乎死過人 」

至於住宿方面,林作又憶述:「夜晚住嘅酒店別墅,似乎死過人 - 床單唔乾淨有血跡(漬)、浴缸嘅污跡證明好耐冇人住過。間房佈滿蜘蛛網。我媽媽要求自費去附近佢見到嘅一間「國際酒店」。導遊話 - 你今晚唔留喺度住嘅話,聽日有可能會被扣留。我地嗰晚冇訓過。」

「咁多年,驚咩?」

林作接受東網訪問,他對往事仍猶有餘悸,稱「驚到依家。」對於林母如何搞假身份入北韓,林作說:「媽咪有大陸朋友,畀臨時中國證件我哋。(畀錢搞?)媽媽朋友送嘅。大約發生2000年左右,我嗰時大約11歲,我當時仲未去英國。當時我真心覺得會被扣留,因為我哋基本上唔願意留低,當晚就想走,個導遊唔畀,我哋話換間正常啲酒店都唔畀,僵持不下,然後佢凶我哋,我覺得我哋玩完,尤其係身份係假嘅。(點解媽咪咁大膽?)媽媽細個好瘋狂,人生就係找尋刺激,媽以為自己識人就OK。(有咩人去?)一啲內地官員嘅配偶同親戚。(你媽咪到依家都冇驚過?)我媽知自己過意唔去,從未再提過,我咁大個人佢都基本上從未再叫我去旅行,全家新年遊除外。」問到爆料會否擔心對媽咪及其他人有影響時,林作淡定地說:「咁多年,驚咩?」

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!