2018年2月28日 星期三

【欣賞有才華】李佳芯撐男友:佢有好多工作 __,李佳芯,

李佳芯和男朋友陳炳銓被網友形容為「美女與野獸」,其實她欣賞男友有才華,仲話男友有好多工作,幕前幕後都有,只是大家努力的方向不同,無得比較喎。其實陳炳銓 ...




李佳芯和男朋友陳炳銓被網友形容為「美女與野獸」,其實她欣賞男友有才華,仲話男友有好多工作,幕前幕後都有,只是大家努力的方向不同,無得比較喎。

其實陳炳銓算是李佳芯的軍師,她有時演戲會問男友意見,事關陳炳銓畢業於加拿大麥科文大學、主修舞台製作,曾經去英國同法國修讀戲劇,同時有開班教演戲。

發展暫時有距離,但二人已有共識,以事業為先。李佳芯說:「知道自己遲起步,希望事業喺呢幾年衝咗先,最緊要有機會,加上我本身喺感情方面好低調,我寧願人哋Focus落我做嘢。」

雖然出街會主動俾錢,但她表示絕非包養男友:「我連自己都未養到,只係有瓦遮頭,又有父母要供養,排隊都未到養男友」

她更撐男友有不少工作,強調並非女尊男卑:「佢有好多工作,無停過,幕前幕後都係,只是大家努力嘅方向唔同,無得比較。唔明點解會有女尊男卑呢個講法,亦唔係事實,只要兩個人相處得舒服同溝通到,根本唔存在女尊男卑。如果外間要將工作同女尊男卑掛勾係唔公平。」

她認為跟男友一起不算捱窮,笑稱:「咁又唔使捱窮,只要經濟上、思維上水平差唔多,唔係差距大就可以。喺我嘅字典裏面,唔使男朋友一定要有樓,我冇呢種概念,擇偶最重要係合得來,一旦夾唔到,就算同一屋簷下,都係冇意思,何況我自己都有能力賺錢,應該唔會瞓街!」




鍾意就快D Share啦!
Related Posts Plugin for WordPress, Blogger...