2018年2月17日 星期六

【爆相爆片】陳禛乖乖拖實爹哋行老銅 陳國邦全程勁呵護 __,陳禛,陳國邦,

流感肆虐,政府之前就宣佈小學及幼稚園提早放農曆年假,難得有個長假期,小朋友梗係開心,做家長嘅當然唔會鬆懈,以免中招,但係困喺屋企都唔係解決方法,最緊要 ...




流感肆虐,政府之前就宣佈小學及幼稚園提早放農曆年假,難得有個長假期,小朋友梗係開心,做家長嘅當然唔會鬆懈,以免中招,但係困喺屋企都唔係解決方法,最緊要都係注重個人衛生,增強抵抗力先係上策。

日前有《蘋果》讀者林小姐透過「爆相爆片」,大約喺下晝4點半左右喺銅鑼灣地鐵站遇到陳國邦同囡囡陳禛,嗰陣佢哋兩個啱啱出閘,陳國邦全程對囡囡呵護備至,絕對係一個好爸爸。林小姐話:「我冇為意陳國邦企咗喺我前面,嗰陣阿女著住對有轆嘅波鞋,爹哋喺側邊扶住,仲見到喺個女嘅耳細細聲講嘢,似乎係叫佢要小心啲,唔好影響到其他人。」林小姐話:「佢哋喺近住皇室堡嘅出口上咗地面,之後喺對面個商場企喺度,陳國邦先幫個女拎住件外套,再撳個電話,好似搵緊個地址,但係阿女都好乖,冇周圍走嚟走去,最多係圍繞喺個爹哋身邊。」

事後《蘋果》搵過陳國邦,睇吓佢嗰日係咪同前世情人行街街,佢話:「哈哈,唔係行街喎,係兩父女拍拖去睇中醫,因為近排啲天氣,所以咪趁放假清吓個身體。」 至於會唔會減少同阿女出街,國邦就話:「咁又唔會喎,我哋o依家都同阿女喺街度,有病咪睇醫生囉!」

最港電影大獎投票網址

http://bit.ly/thekongestfilmawards

精選娛聞,喺晒《娛果》

http://fb.com/appledailyent

(讀者提供圖片) 讀者話陳國邦全程對囡囡呵護備至。(讀者提供圖片) (讀者提供圖片)
(讀者提供圖片) 囡囡一直好乖咁跟實爹哋。(讀者提供圖片) (讀者提供圖片)
陳國邦話趁放假去調理身體。(資料圖片)

鍾意就快D Share啦!
Related Posts Plugin for WordPress, Blogger...