掃呢頁CODE去手機

2018年2月6日 星期二

【獨家】一早離開香港夠醒目? 蔣雅文:純粹想重新開始 __,蔣雅文,

蔣雅文(Mandy)出新書《被討厭的處女》,單看書名已經引人入勝,但原來此「處女」卻解作處女座,來自香港嘅兩位台灣媳婦、同樣係處女座嘅Mandy同陸穎 ...




蔣雅文(Mandy)出新書《被討厭的處女》,單看書名已經引人入勝,但原來此「處女」卻解作處女座,來自香港嘅兩位台灣媳婦、同樣係處女座嘅Mandy同陸穎魚,交換相片與文字輯成呢本書。

負責攝影嘅Mandy日前返港同讀者見面,並抽空接受《蘋果》專訪:「處女座幾容易被人誤解好奄尖腥悶、鍾意挑剔,一個好難搞嘅星座,但我哋覺得處女座係幾能幹,唔會太依靠人,所以想利用自己擅長合著一本書,好似處女座之間交換日記。」處女座嘅Mandy有冇試過被討厭?佢笑說:「我老公話好驚處女座,但佢前女友都係處女座,所以討厭係一件事,夾唔夾係一件事,好多嘢係命運驅使。我都好憎魔蠍座,但我哋係夫妻,知道對方乞人憎嘅地方,反而可以諒解。」今次出書,Mandy更唔揀大出版社:「好開心同香港獨立出版社合作,我想有自由度自主權,宣傳費全部慳返落嚟,投放喺本書嘅資源上面。」

Mandy坦言未夠料以攝影會友,但覺得影相有種使命感,在乎張相帶嚟乜嘢訊息。訪問當日,Mandy應《蘋果》邀請走上街頭,用相機拍下佢眼中現今嘅香港:人來人往嘅鬧市、踩單車送外賣嘅打工仔、兼賣電話卡嘅報紙檔:「以前佐敦有畫廊,行業未式微之前,爸爸喺屋企畫畫養大我哋兩姐妹,每月搬一大卷畫交去佐敦,阿爸攞到錢都會話:『今日全家出去食餐好。』因為平時死慳死抵,每次出佐敦意味可能有鐵板餐,自細知道佐敦係養活我哋嘅地方,有種情意結。」

離開香港9年嘅Mandy,每次返嚟都好懷念,但熟悉中有少少陌生:「當初離開時,香港仲係稱為安居樂業嘅地方,但呢9年,大家面對嘅問題,我都錯過咗,好多人話點解你咁醒目㗎?但我當初離開,純粹想搵一個地方重新開始,每次返嚟同香港朋友傾偈,佢哋普遍情緒比較低落,但香港人喺我心目中係好堅強識變通,可以諗到好多方法生存落去,逆境自強。」

場地:Cafe Deco峰景餐廳 (The ONE)

最港電影大獎投票網址

http://bit.ly/thekongestfilmawards

精選娛聞,喺晒《娛果》

http://fb.com/appledailyent

攝影:仇志德、林賓尼 蔣雅文出新書《被討厭的處女》。 負責攝影嘅Mandy日前返港同讀者見面,抽空接受《蘋果》專訪。
新書由兩位來自香港嘅台灣媳婦、同樣係處女座嘅Mandy同陸穎魚,以交換相片與文字輯成呢本書。 Mandy揀同獨立出版社合作,因為佢想有自由度自主權,慳宣傳費又可投放資源喺本書。 Mandy坦言未夠料以攝影會友,但覺得影相有種使命感。
訪問當日,Mandy應《蘋果》邀請走上街頭,用相機拍下佢眼中現今嘅香港。

離開香港9年嘅Mandy,每次返嚟都好懷念,但熟悉中有少少陌生。
Mandy自言當初離開,純粹想搵一個地方重新開始。

鍾意就快D Share啦!