網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年2月16日 星期五

城城狗年祝願 幸福滿分「咬」住唔放 __,城城,郭富城,

郭富城和羅仲謙兩位顧家暖男,異口同聲想「添丁」。
城城狗年祝願幸福滿分「咬」住唔放恭喜發財!兩位型男郭富城(城城)及羅仲謙(謙謙)新春「咬手瓜」向大家拜年!狗年留港度歲的城城,今日大年初一會帶囡囡向嫲 ...


城城狗年祝願 幸福滿分「咬」住唔放

恭喜發財!兩位型男郭富城(城城)及羅仲謙(謙謙)新春「咬手瓜」向大家拜年!狗年留港度歲的城城,今日大年初一會帶囡囡向嫲嫲拜年,三代同堂享天倫!城城笑言母親至今仍會在年卅預備碌柚葉及新睡衣,等他煥然一新迎新歲,有母親關懷又有可愛女兒相伴,城城笑言「生活滿分」!謙謙則會帶太太楊怡返圍村湊熱鬧,更打趣要向城城討教「添丁」心得!

城城與謙謙兩年前因拍戲結緣,去年再因工作聚首,默契與友情同樣升級,兩人早前為本報拍攝賀年照,可謂法寶盡出,「咬完手瓜」再「拗手瓜」,表情動作相當搞笑!相比兩年前,兩人最大轉變莫過於已成家立室,城城更只花上一年時間,由單身筍盤「轉化」為暖男慈父。他雖然依舊工作行先,但每次提起大眼愛女Chant,幸福都盡在不言中!

工作拚搏做好榜樣

對於如今的生活,城城用滿分來形容。從小到大,城城媽媽過時過節總會細心為他打點一切,今個農曆新年,城城會趁大年初一帶女兒去母親家中拜年,讓母親享「嫲孫樂」,三代同堂享天倫,總算償了母親多年來的心願!他說:「囡囡出世,屋企老人家好似我媽媽最開心,我都盡可能留多啲時間照顧家人,工作上唔會減低拚搏,想樹立好榜樣畀囡囡。農曆新年我哋唔出埠,梗係帶囡囡同嫲嫲拜年啦。(有乜新年願望?)最緊要係身體健康。(屋企有乜新年習俗?)雖然冇同媽媽一齊住,但佢慣咗每年都為我準備碌柚葉同新睡衣,好Warm O架。」

現時湊女為樂的城城,坦言想為Chant添個弟弟或妹妹,但也不希望太太方媛太辛苦,對「添丁大計」順其自然,倘若一、兩年內達成,當然更圓滿。而自從Chant出世後,城城亦減少應酬,收工盡可能回家「湊女」,可見小公主地位超然。

郭富城和羅仲謙搞笑「咬」手瓜,表情十足!
  • 郭富城和羅仲謙搞笑「咬」手瓜,表情十足!
兩位型男「拗手瓜」,勝負難分!
  • 兩位型男「拗手瓜」,勝負難分!
今日大年初一,城城祝大家賺到盤滿缽滿。
  • 今日大年初一,城城祝大家賺到盤滿缽滿。

一支藥膏兩份Share

城城與謙謙在星皓賀歲片《西遊記女兒國》中鬥戲,就如城城所言,今次孫悟空四師徒改走喜感路線,不少場口甚考急才,即場放笑彈,希望讓大家開開心心過新歲。謙謙再與偶像城城合作,坦言獲益良多,拍攝期間遇上皮膚問題,兩人更一支敏感藥膏齊齊Share。談到較城城早婚,至今仍未「造人」成功,謙謙笑指若有機會,會向對方討教心得:「但呢啲嘢都係兩個人之間嘅事,男人有責任,我唔想畀壓力太太,順其自然最好。」

現實生活中未當上人父,但《西》片內謙謙陰差陽錯竟當了「大肚公」,這經驗讓他更體會母愛偉大:「即使唔係真,但都感受到懷孕有幾辛苦,情緒上波動可以理解嘅。」他亦同樣計`劃留港度歲:「我喺大埔長大,過年我條村會舞龍、舞獅,今年會帶埋太太趁吓熱鬧!」

文:影視組

攝:吳文聰、司徒國榮

唐裝:中藝天工閣

場地:帝樂文娜公館DaDa Bar






鍾意就快D Share啦!