2018年2月20日 星期二

整蘿蔔糕畀愛犬 朱智賢緊張狗狗多過謝東閔 __,謝東閔,朱智賢,

朱智賢下廚煮狗狗蘿蔔榚氹愛犬。無綫女藝人朱智賢(Ashley)是位愛犬之人,飼養了十歲半愛犬「冬甩」,趁踏入狗年,Ashley專程學整適合狗隻食用的糕 ...


朱智賢下廚煮狗狗蘿蔔榚氹愛犬。


無綫女藝人朱智賢(Ashley)是位愛犬之人,飼養了十歲半愛犬「冬甩」,趁踏入狗年,Ashley專程學整適合狗隻食用的糕點,這日她跟「人寵食譜Blogger」Joyce Yung學整鴨肉蘿蔔糕,本身有下廚經驗的Ashley很快上手,成功整出靚靚糕點,Joyce亦大讚她有天分。因工作關係,Ashley未有帶冬甩到場,但見到Joyce的愛犬Mika即愛心爆棚逗玩一番。

Ashley直言新一年在感情方面沒有甚麼計劃,笑言愛犬是自己至愛,緋聞男友謝東閔都要行埋一邊:「冬甩平時超級嗲,我瞓瞓吓佢會貼住我塊面,喺度佢一定會衝向我,令我覺得好冧。(寧願要狗都唔要謝東閔?)係呀!狗仔重要好多,養咗佢超過10年,希望佢有30歲。(新一年唔想行桃花運?)冇諗,每次都係祈求事業。(唔怕謝東閔傷心?)我相信佢都係好專注事業上,咁認真做事嘅女人先有吸引力吖嘛!」

唱歌請教謝東閔

講到事業展望,Ashely表示將有更多機會拍劇,而且角色有發揮機會,問到最想演甚麼角色?她笑說:「精神病人,朋友都話我精神有問題,我相信如果有得演,有機會得飛躍進步女藝員添呀!」她又表示會把握時間增值,包括學演技及唱歌,問有否請教參加歌手比賽出身的謝東閔?她說:「有唱過畀佢聽,佢會突然望住我,就係就嚟走音、唔夠氣嘅位,係鄙視眼神囉!我就話『做咩啫!我又唔係歌手,走音好正常呀!』都好嘅,嚴師出高徒,佢都有幫我練習嘅。」

至於Joyce表示飼養Mika後開始關注家人和愛犬的健康,因此努力鑽研人寵飲食,短短幾年間已在Blog中分享近千款人類美食及愛寵食譜。而狗狗蘿蔔糕的好處是不含油份及調咪料,純粹以肉的鮮味吸引愛寵食欲,鴨肉含有高蛋白質外,所含有的飽和脂肪酸和膽固醇都比一般肉類低。

狗狗賀年美食鴨肉蘿蔔糕

材料:(12件,每件60g)

白蘿蔔 230g

紅蘿蔔 30g

鴨肉 100g(去皮淨肉)

上新粉 80g(粘米粉)

太白粉 20g(太白粉)

水 80g(包括加入蒸鴨肉後碟上的水份)

做法:

1. 白蘿蔔去皮刨絲,用水烚2分鐘左右至軟,盛起瀝水,另外紅蘿蔔去皮刨絲不用煮,備用;

2. 鴨洗淨切件,隔水蒸10分鐘至熟(蒸鴨肉後的碟上水分留用),放涼後撕成幼絲備用;

3. 上新粉與太白粉過篩,加入蒸鴨肉碟上的水及適量水分(合共不多於80g)和白蘿蔔絲拌勻至沒有粉粒;

4. 最後加入紅蘿蔔絲和鴨肉絲拌勻;

5. 煲滾水準備蒸糕,把粉漿倒至模具八成滿,放入蒸焗烤爐或是以大火隔水蒸20至25分鐘(視乎不用大小之模具而定蒸糕時間長短);

5. 取出至完全放涼即可脫模及供狗狗食用。

(食剩狗狗蘿蔔糕可放入雪櫃普通格保存2、3日,臨食前取出隔水蒸5至10分鐘,放涼便可供狗狗享用)

場地、食材及模具;富澤商店

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!
Related Posts Plugin for WordPress, Blogger...