天王郭富城（城城）及羅仲謙（謙謙）兩年前因拍戲結緣，去年再因工作聚首，默契與友情同樣升級，拍賀年照「咬手瓜」再「拗手瓜」，表情動作相當搞笑！相比起兩年前，城城與謙謙最大的轉變莫過於已各自成家立室，城城更只花上1年時間，由單身筍盤「轉化」為暖男慈父。他雖然依舊工作行先，但每次提起大眼愛女Chant，幸福之情盡在不言中！
工作拚搏做好榜樣
對於如今的生活，城城用滿分來形容一切：「囡囡出世，屋企老人家好似我媽媽咁就最開心，我都盡可能留多啲時間照顧家人，工作上唔會減低拚搏，想樹立一個好榜樣畀囡囡。呢個農曆年我哋唔會出埠，梗係帶囡囡同嫲嫲（郭母）拜年啦。（有乜新年願望？）老實講最緊要係身體健康。（屋企有乜新年習俗？）雖然冇同媽媽一齊住，不過佢慣咗每年都會為我準備柚碌柚葉同新睡衣，好Warm㗎。」
城城坦言想為Chant添個弟弟或妹妹，不過也不希望太太方媛太辛苦，對「添丁大計」採取順其自然的態度，倘若一、兩年內達成的話，時間上更見圓滿。而自從Chant出世後，城城亦減少應酬，收工盡可能回家「湊女」，可見小公主地位超然！
一支藥膏齊齊Share
城城與謙謙於星皓賀歲片《西遊記女兒國》內鬥戲。就如城城所言，今次孫悟空四師徒改走喜感路線，不少場口更考急才即場放笑彈，希望這個新歲讓大家開開心心，過一個熱鬧的佳節！謙謙坦言能夠再次與自己的偶像（指城城）合作，獲益良多，而拍攝途中遇上皮膚問題，二人更一支敏感藥膏齊齊Share。談到自己較城城早婚，至今仍未「造人成功」，謙謙笑指有機會的話，會向對方討教「心得」﹕「但呢啲嘢都係兩個人之間嘅事，男人有責任，我亦唔想畀壓力太太（楊怡），順其自然就最好。」
現實生活中未當上人父，但《西》片內謙謙陰差陽錯竟當了「大肚公」，這個經驗讓他更令體驗母愛的偉大：「即使唔係真，但都感受到懷孕有幾辛苦，知道女人會因此賀爾蒙改變，情緒上波動可以理解嘅。」
這個農曆年，謙謙同樣計劃留港度歲﹕「我喺大埔長大，過年我條村會舞龍、舞師，今年會帶埋太太去趁吓熱鬧，而家唔係好多人可以接觸到中國傳統嘅喜慶活動，我好想同身邊人分享吓。」
唐裝提供：中藝天工閣
郭富城髮型：Ian Wong@ii salon
郭富城化妝：Terry Yu
羅仲謙便服：n.hoolywood@ITHK
羅仲謙髮型：Jan Chiu@IL Colpo（PP）
羅仲謙化妝：Leo Tam@Annie G Chan
場地：帝樂文娜公館DaDa Bar
----------------------------
東網巨星開咗ig喇，大家快啲follow
https://goo.gl/KGuo2N
|
鍾意就快D Share啦！
|
|
|
