掃呢頁CODE去手機

2018年2月27日 星期二

【林青霞出殮葬費】不忍李菁遺體冇人理 邵音音助辦理後事 __,青霞,邵音音,李菁,林青霞,

邵音音、黃夏蕙、林雅詩、元庭、馬天樂及李逸朗等,今日去到大埔汀角村出席賀年聯歡會活動,提到邵氏女星李菁日前逝世(新聞連結:http://bit.ly/ ...




邵音音、黃夏蕙、林雅詩、元庭、馬天樂及李逸朗等,今日去到大埔汀角村出席賀年聯歡會活動,提到邵氏女星李菁日前逝世(新聞連結: http://bit.ly/2EL5cFf ),與李菁同屬邵氏藝人的邵音音表示,將會為對方辦理認領遺體手續,邵音音話:「因為李菁上海嘅家人辦領證件需時,趕唔到落嚟,自己同邵氏一班朋友,唔忍心佢冇人認領,唔忍心佢嘅遺體同冇人認領嘅遺體放埋一齊,佢過身已經一段時間,身體發脹腐爛,幾時可以認領就要等警方通知,我同佢幾十年冇見,大家其實冇乜關係,不過邵氏之友台前幕後都有心,好似林青霞、仙姐、徐小明等,都話要負責所有殮葬費,但係o依家未去到呢步,俾唔俾我哋去認領都未知。李菁係兩代亞洲影后,有咁嘅下場,見到都好心痛,好唔忍心。佢有乜嘢屋企人就唔清楚,佢同鄭佩佩、曉華比較熟,李菁會同曉華手拖手傾心事。」

至於林雅詩指農曆新年前後都在大陸度過,她說:「內地觀眾真係好熱情,不論男女都好多都想衝埋嚟攬住,又試過被人跟蹤返酒店,自己都要好小心。噚日坐8個鐘車返香港,今日完咗活動又要返上去登台。」

精選娛聞,喺晒《娛果》

http://fb.com/appledailyent

(右圖攝影:張俊銘) 邵音音、黃夏蕙、林雅詩、李逸朗等人今日出席賀年活動。 邵音音(左)話將為李菁辦理認領遺體手續,但未知係咪可以成事。
林雅詩今日性感現身 仲話早前喺大陸做嘢,被人跟蹤返酒店。

鍾意就快D Share啦!