熱爆娛樂: 【初三團拜】杏兒整碗仔翅招呼親友阿田抱賴慰玲囝囝：飲奶飲醉咗 _

2018年2月19日星期一

【初三團拜】杏兒整碗仔翅招呼親友阿田抱賴慰玲囝囝：飲奶飲醉咗 __,杏兒,田蕊妮,阿田,賴慰玲,胡杏兒,

唔少藝人喺初三搞團拜，林奕匡凌晨貼出拜年，原來佢哋去咗探杏兒囝囝「Baby Lee」，一齊食飯仲有陳智燊、宋熙年、黃智雯、胡定欣、岑潔儀等，原來噚日杏兒都有下廚，親自整咗足料碗仔翅。

此外，TVB藝人有啲去咗樂易玲屋企拜年(新聞連結：http://bit.ly/2FcR4S4)，有啲就去咗田蕊妮屋企食飯，杜汶澤負責整美食，唐詩詠、吳業坤、何遠東、車婉婉同賴慰玲都有去，車婉婉仲帶埋老公同囝囝BBQ現身，見BBQ肥嘟嘟成隻「米芝蓮」咁，相當可愛，而田蕊妮都有抱賴慰玲囝囝Marat影相。

賴慰玲喺IG貼出同阿田嘅合照：「今日杜田家拜年，食極都有得食!仲不斷派「利是」，已經開咗個好年啦!坤哥終於見到我個仔。」之後阿田貼出一張舉杯相，寫道：「初三赤口拜年，佢哋食酒，我飲水，有條友飲奶。」之後阿田又搞笑咁再貼一張手抱住賴慰玲囝囝嘅合相，留言：「呢個BB飲奶飲醉咗。」

	唐詩詠及吳業坤去咗田蕊妮屋企食飯	田蕊妮抱賴慰玲囝囝Marat影相
乾杯搵亮點。	杜小廚又出動。	吳業坤俾咗封利是仔畀Marat。
陳智燊、宋熙年、黃智雯及胡定欣就去咗杏兒屋企團拜。	左起陳智燊、宋熙年、胡杏兒、Baby Lee、李乘德、李靄璣、林奕匡。	杏兒整碗仔翅招呼親友。