掃呢頁CODE去手機

2018年2月3日 星期六

【中華小姐】龔嘉欣張曦雯開側門 岑麗香「股惑」威盡 __,張曦雯,鍾嘉欣,嘉欣,龔嘉欣,岑麗香,

2018年國際中華小姐選舉今晚舉行,大台搵嚟大批俊男美女登場助陣,個個都盛裝出席,但唔係盛裝就一定靚,今次就講吓幾個最吸睛嘅代表。首選一定係出「股惑」 ...




2018年國際中華小姐選舉今晚舉行,大台搵嚟大批俊男美女登場助陣,個個都盛裝出席,但唔係盛裝就一定靚,今次就講吓幾個最吸睛嘅代表。

首選一定係出「股惑」嘅香香,佢一身透視裝,唔係只係暴露,隱隱約約咁仲有神秘感!香香仲應傳媒要求,騷個背面,俾大家影佢個靚股!

仲記唔記得年前Janice Man以一套側門大開嘅晚裝出席香港電影金像獎頒獎禮?當時搶盡風頭,今晚都有人效法佢嘅打扮,分別係着白色禮服嘅龔嘉欣,以及藍色晚裝嘅張曦雯,一樣搶鏡。

今晚着衫好出色嘅,仲有早前攞咗最受歡迎電視女角色嘅蔡思貝,簡簡單單一襲low cut晚裝上陣,望落乾淨舒服,真正less is more!

仲可以入選到今晚靚人嘅,仲有港姐冠軍、同時係舊年華姐季軍嘅馮盈盈,一身全紅大V晚禮服,成件事好大方得體。

最港電影大獎投票網址

http://bit.ly/thekongestfilmawards

精選娛聞,喺晒《娛果》

http://fb.com/appledailyent



首選一定係出「股惑」嘅香香 香香仲應傳媒要求,騷個背面,俾大家影佢個靚股
着白色禮服嘅龔嘉欣

藍色晚裝嘅張曦雯


蔡思貝簡簡單單一襲low cut晚裝上陣

舊年華姐季軍嘅馮盈盈、同上年華姐冠軍余思霆

鍾意就快D Share啦!