掃呢頁CODE去手機

2018年2月9日 星期五

唔慣廣東話!「立生」盧慶輝拍劇狂食螺絲 __,盧慶輝,

一講「立生」,啲記憶返晒嚟。藝人盧慶輝當年憑出演無綫處境劇《真情》「立生」一角而打響知名度,更與劇中拍檔張慧儀日久生情,最終戀情未能開花結果,十多年前 ...


一講「立生」,啲記憶返晒嚟。


藝人盧慶輝當年憑出演無綫處境劇《真情》「立生」一角而打響知名度,更與劇中拍檔張慧儀日久生情,最終戀情未能開花結果,十多年前他忽然「息影」,搬往內地從事房地產生意,且於北京「紮根」成家立室。最近他決定捲土重來「復出」拍戲,早前演出《賭城群英會》後,最近又特意返港客串演出英皇網劇《PTU機動部隊》,49歲的他尚算保養得宜。

唔慣背廣東話對白

談到今次返港拍戲,盧慶輝笑言最不習慣是背誦廣東話對白,容易食螺絲,又指自己充當「冇打演員」﹕「其實係演警司,所以冇乜動作場面。本來戲份重啲,但因為嚟緊我要去橫店拍攝馮小剛首部網劇《劍王朝》撞咗期。戲裏面我做男主角嘅軍師,一睇分場同劇本就知好甘,事關當地氣溫零下,但重頭戲講我被困喺監獄,仲要浸喺墨汁式嘅污水度!」

一個夠晒數

已離港一段頗長時間,問盧慶輝有否與昔日同事及朋友聯絡,他直言:「我次次都來去匆匆,敍舊嘅機會比較少嘞。(有興趣再返無綫拍劇?)佢哋都冇搵我!(復出搬返香港住?)我諗唔會嘞,屋企同公司都喺北京嘛。」談到北京生活,他似乎頗為適應,提起四歲囝囝的成長,盧慶輝更笑逐顏開:「我喺屋企做掌上壓,佢就會騎上嚟,佢真係好活潑,好多時捉都捉唔住。(離家開工最唔捨得佢?)都係,佢亦好鍾意黐我,試過我唔喺屋企佢睇電視,就指住電視機問媽媽:『爸爸喺度?』(追多個?)咁又應該唔會嘞。」

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!