網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年2月14日 星期三

【暴瘦原因係...】驚爆同羅傑承離婚 梁芷珊速戀孫佳君廚師舊愛 __,羅傑承,梁芷珊,孫佳君,

49歲嘅才女梁芷珊喺02年同商人羅傑承結婚,婚後佢哋生咗一個囡囡,梁芷珊仲棄文從商,專心幫老公打理唱片公司同藝人管理部嘅生意,之後仲將天水圍飛馬、南華 ...


49歲嘅才女梁芷珊喺02年同商人羅傑承結婚,婚後佢哋生咗一個囡囡,梁芷珊仲棄文從商,專心幫老公打理唱片公司同藝人管理部嘅生意,之後仲將天水圍飛馬、南華及香港飛馬足球會發展幾好,唔少人覺得佢哋夫唱婦隨,稱上係模範夫婦!

不過今日有周刊報道,羅傑承同梁芷珊喺上年低調離婚,仲話梁芷珊已經好快咁走出離婚陰霾,迅速戀上孫佳君嘅前靚仔廚師男友Olivier,不過有知情者話離婚唔涉及第三者,主要係因為兩人性格不合,羅傑承本身係工作狂,梁芷珊就係藝術家性格,就算佢努力去改變自己,最終都追唔切老公嘅步伐,佢仲因為同時兼顧女兒嘅學業,結果搞到精神長期處於緊張同壓力大嘅狀態。

報道仲話喺15年開始,梁芷珊突然暴瘦同皮膚變黑,嗰陣有傳佢嘅身體出現問題,不過實情係婚姻有問題,經過多年嚟嘅挽救無效,最終離婚收場。回復單身後嘅梁芷珊,喺朋友嘅飯局識咗Olivier,喺女兒嘅鼓勵下,梁芷珊重新投入新戀情,狀態比以前還要好。

而羅傑承同梁芷珊事後透過秘書回覆周刊,佢哋兩個都承認已經離婚,女兒將由大家共同撫養,不過關於前妻嘅新戀情,羅傑承就話唔清楚亦冇再問,如果係真嘅話,佢一定會送上祝福。報道中指梁芷珊與前夫關係好好,佢仲話新戀情係離婚後先開始。

最港電影大獎投票網址

http://bit.ly/thekongestfilmawards

精選娛聞,喺晒《娛果》

http://fb.com/appledailyent

羅傑承同梁芷珊喺舊年離婚。(資料圖片) 梁芷珊幫老公嘅足球事業發展得唔場!(資料圖片) (資料圖片)
梁芷珊有段時間暴瘦,原來係婚姻出現問題。(資料圖片) 孫佳君喺15年同Olivier拍拖。(資料圖片)

鍾意就快D Share啦!