杜德偉讚老友叻仔黎小田：咁大鑊！
林利雖然寡言自我，愛獨來獨往，但他對朋友有情有義，故圈中有不少知心好友。歌手杜德偉（Alex）昨日得悉好友林利患上腸癌時，表現關心，又指好友性格內向似獨行俠：「唔開心嘢，佢（林利）好少同好朋友分享，但大家好熟，我結婚時，佢都有做我伴郎。」又指已致電林利問候，Alex說：「佢話已經好番晒，我覺得佢好叻仔，佢出咗院後就做胡渭康同黎小田演唱會嘉賓。我問有冇影響佢嘅表演，佢話上到台就會忘記咗，仲唱得好啲添！」又讚林利為人樂觀、可愛，祝福好友身體健康。
至於黎小田昨日受訪時稱是其作品展演唱會完騷後，由胡渭康告知他林利剛做完手術，他說：「林利冇親口同我講，胡渭康話我知時先知『咁大鑊』，我會打電話問候佢。」他又叮囑林利要多休息，說自己開完兩場演唱會後，因壓力太大，頭暈又骨痛，連自己都要多休息。此外，曾與林利合作過《學警狙擊》的陳山聰，表示聽到這消息很意外，祝他早日康復。
來源 source: http://orientaldaily.on.cc
|
鍾意就快D Share啦！
|
|
|
