掃呢頁CODE去手機

2018年2月28日 星期三

【承諾未兌現】林超賢落場撞歪頸椎 衛詩雅公開追數 __,衛詩雅,林超賢,詩雅,

林超賢導演嘅新片《紅海行動》今日喺九龍灣展貿舉行祝捷會同首映。林超賢同一班《紅》片演員張譯、王雨甜、蔣璐霞及老闆楊受成等都有到場。對於魔鬼導演嘅稱號, ...




林超賢導演嘅新片《紅海行動》今日喺九龍灣展貿舉行祝捷會同首映。林超賢同一班《紅》片演員張譯、王雨甜、蔣璐霞及老闆楊受成等都有到場。

對於魔鬼導演嘅稱號,林超賢係張家輝以前改嘅,講到佢喺摩洛哥拍攝時反車受傷,林超賢話:「喺回程時揸住架沙灘車,車速高轉彎反車,副導撞傷面,自己扭親頸,返嚟睇醫生頸椎移咗位。」老闆楊受成就話會獎勵導演補番數:「知道佢受傷之後完全冇休息,開頭仲聽講佢同成龍個次一樣咁嚴重,後來好在冇事。獎金係應該俾同會有,亦會加酬勞,佢都有要求分紅。」

對於老闆加人工,林超賢坦言:「老闆加人工都正常,幫佢捱咗咁多年。」而佢又講到冇諗過票房咁好,諗住同對上一部動作片差不多,都係10幾億左右,事實反影內地觀眾好認同。林超賢又話今次拍咗5億人民幣(約6.19億港元),喺大陸上映12日,票房累積23.4億人民幣(約29億港元),不過由於香港列作三級片,相信會影響香港票房。至於楊受成就預計票房喺今個星期會過30億人民幣:「35億有機會,40億要再睇。香港較難,因為鏡頭血腥,定為三級。」楊受成透露嚟緊會再同林超賢及麥兆輝合作,演員則係張家輝同劉青雲,至於周潤發同郭富城主演嘅《無雙》,就已經拍完。

至於男主角張譯有從軍經驗,佢話導演唔只對演員嚴厲,對自己都一樣,講到導演反車受傷,佢話:「見到他頭破血流,可幸沒有大礙,我也有受傷,戰爭場地出入,很平常。」張譯透露有玩柔術,面頸嘅傷痕就係玩柔術受傷。

而出席首映嘅衛詩雅拍一部要攞重型槍械嘅電影,戰爭片都有興趣,不過未同林超賢合作過。講到佢初入行去某個after party時,遇上燒着衫意外,當時佢自己好冷靜咁拍熄咗個火,事後傳到林超賢耳中就話「呢個人咁好身手,下一部戲搵佢」,可惜到o依家都未找數,衛詩雅話會提醒番導演。

精選娛聞,喺晒《娛果》

http://fb.com/appledailyent

(攝影:葉君海) 《紅海行動》今日舉行祝捷會 仲舉行儀式希望票房破紀錄
之後就到首映禮 衛詩雅話林超賢應承過搵自己拍戲,但仲未兌現。 湯怡都有現身支持
吳浩康、許靖韻、陳家樂 盧敏儀同老公孫敬安拍拖現身

鍾意就快D Share啦!