網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年2月15日 星期四

歐聯:【堅歐聯之王】C朗省兩粒 皇馬反勝PSG __,C朗,基斯坦奴朗拿度,

(GettyImages、法新社圖片)即睇全場入波:http://bit.ly/2o0eId3 C朗果然係「歐聯之王」,梅開二度帶領皇馬反勝巴黎聖日耳 ...


(Getty Images、法新社圖片)


即睇全場入波:http://bit.ly/2o0eId3 

C朗果然係「歐聯之王」,梅開二度帶領皇馬反勝巴黎聖日耳門!今仗皇馬有主場之利,看點就係尼馬大戰C朗,尼馬於上半場好活躍,做出靚助攻為客軍先開紀錄;但C朗一去到歐聯就如有神助,先操刀入12碼追平,完場前更有運用膝頭入波,加埋馬些路建功,皇馬完場前連入兩球贏3:1,晉級8強機會高唱入雲。

皇馬深知歐聯重要性,故今仗一開波就開行Turbo狂逼強敵,希望首先攻入1球,其中C朗就於右路接應長傳,球不着地窄位起腳,可惜唔中龍。雖然主隊撲得勢兇夾狼,但客軍的確有質素,王牌尼馬表現得非常活躍,多次於左路搞搞震,令主隊後防疲於奔命。28分鐘皇馬反擊,馬些路近中場彎個靚波,C朗半單刀殺入禁區,但最後一抽畀對手門將艾路拿嚟招「顏面擋球」力保不失。

C朗唔得就到尼馬表演,有個攻勢連過三個敵衞,於禁區邊起腳射近柱盡顯卡士,到33分鐘佢於禁區接應隊友右路傳送,第一時間後腳回後,拉比奧特趕到一抽入網,客軍打開紀錄。之後尼馬於左路單騎直進,傳畀12碼點卡雲尼,呢名烏拉圭射手轉身一抽睇怕入硬,但卡斯米路及時閂個波出界。皇馬於半場完前追和,要多謝盧施素,後者於禁區魯莽侵犯卻奧斯,球證直指12碼點,C朗操刀射門將右手邊入網,半場打成1:1平手。

換邊後雙方戰情拉鋸,較少埋門威脅,62分鐘,皇馬右路地波傳中,賓施馬僅來遲一步被對手門將沒收,C朗怒轟罰球亦未能中龍。期後皇馬換入加里夫巴利及馬高阿辛斯奧加強攻力,就係阿辛斯奧呢個後生仔之後交出兩個助攻。83分鐘阿辛斯奧左路傳中門將撲出,個波咁啱彈中C朗膝頭彈入,梅開二度帶領皇馬反先;之後阿辛斯奧食過翻尋味左路傳地波,馬些路趕到抽近柱入,皇馬贏到3:1完場。

歐聯史上射手王C朗,加埋今仗入2球,於呢項賽事入球已增至116個,近12場歐聯賽事更入咗20球,堅唔到你唔服!

至於同日另一場16強首回合,利物浦作客波圖,究竟佢哋踢成點?

即睇:【文尼戴帽】埃及文明入五粒 紅軍血洗波圖

http://bit.ly/2o069zc 

即上英超刨績王:http://win.on.cc/epl 

東網體育同你追實體壇每個精彩時刻! 

https://goo.gl/ewVp 


來源 source: http://hk.on.cc
鍾意就快D Share啦!