掃呢頁CODE去手機

2018年2月26日 星期一

英超Fever:【成才喇】盧卡古入球兼助攻 曼聯反勝拆車 __,曼聯,

(法新社圖片)即上英超刨績王:http://win.on.cc/epl 邊個話盧卡古對強隊冇用?小魔獸大打爭氣波,成拆車最大功臣!今輪英超重頭戲,曼聯 ...


(法新社圖片)


即上英超刨績王:http://win.on.cc/epl 

邊個話盧卡古對強隊冇用?小魔獸大打爭氣波,成拆車最大功臣!今輪英超重頭戲,曼聯主場激鬥車路士,車仔開波後搶錢咁搶,由弗爆韋利安先開紀錄,但紅魔鬼於奧脫福魔性澎湃,盧卡古先於禁區內建功扳平,換邊後佢更於右路傳個靚中,畀後備入替嘅連格頂入靚頭槌奠定勝局。盧卡古今仗貢獻一個入球、一個助攻,下半場更幾乎射入車身凌空世界波,表現堅係一流,魔粉肯定老懷安慰。

車路士一開波即反客為主,僅4分鐘艾華路莫拉達第一時間撞射中楣彈出,去到32分鐘,韋利安於後面解圍後殺出重圍交畀夏薩特,佢再走靚位接應「夏神」妙傳殺入禁區,於右路窄位抽射近柱破網,呢位巴西國腳近3仗入4粒,腳風順到冇朋友。但7分鐘後,曼聯前鋒阿歷斯山齊士與安東尼馬迪爾做個小組配合,再交畀入楔嘅盧卡古追成1比1,取得佢聯賽第13球之餘,亦係佢今季加盟曼聯後,首次攻破Big 6球隊嘅大門,一洗佢專恰弱隊嘅污名。

換邊後曼聯慢慢攞到優勢,圍住嚟攻令車仔門前風聲鶴唳,其中A山於禁區頂妙傳入禁區,盧卡古嚟個車身凌空左腳勁射,若非高圖爾斯神救,早已梅開二度。但之後佢又爆Seed,於右路搞搞震後傳靚高波入禁區,連格及時趕到頂入,為曼聯奠定勝局。車仔領隊干地稍後換入基奧特搏殺,但之後莫拉達一度將個波擺入網,可惜越位在先,車仔反魂乏術輸波。曼聯全取3分積59分,反壓利物浦2分上番第二位。

Go Go 開波 GOAL DX 策略手遊

贏盡100萬現金獎賞:https://goo.gl/irtKhK 

東網體育FB同你追實體壇每個精彩時刻!

http://bit.ly/2ecTF2A 


來源 source: http://hk.on.cc
鍾意就快D Share啦!