掃呢頁CODE去手機

2018年2月3日 星期六

【爆相爆片】淡出娛樂圈keep得好 前DJ蘭茜貴婦Look嘆Lunch __,蘭茜,

喺90年代加入商台嘅前DJ蘭茜(簡詠嫻),嗰陣佢除咗做電台節目之外,仲做埋廣播劇,受到唔少聽眾嘅歡迎,直到90年佢轉咗檔去新城,又以醜女形象做遊戲節目 ...




喺90年代加入商台嘅前DJ蘭茜(簡詠嫻),嗰陣佢除咗做電台節目之外,仲做埋廣播劇,受到唔少聽眾嘅歡迎,直到90年佢轉咗檔去新城,又以醜女形象做遊戲節目主持兼拍電影,之後蘭茜同楊寶玲主持節目教人扮靚,即刻改變咗一生,嗰棚哨牙唔見咗,成個形象都變得高貴大方。

蘭茜喺06年淡出娛樂圈,有報道話佢同富商Johnny Cheung結咗婚,嗰陣仲有消息話佢轉行做公關唔夠一年,就去咗港大讀人類學碩士,之後又讀埋珠寶鑑定,不過除咗同楊寶玲仲keep住聯絡之外,基本上佢好少再同圈中人聯絡。直到2016年,有傳蘭茜婚姻出現問題,但依然貫徹低調作風,冇回應過件事。(新聞連結: http://bit.ly/2GEJ38O )

日前有《蘋果》讀者關小姐透過「爆相爆片」,表示喺中環一間西餐廳捕獲蘭茜,讀者關小姐話:「嗰日中午喺餐廳見到蘭茜同一個女性朋友食飯,中途見到蘭茜拎咗部iPad,佢哋兩個似乎睇得好開心,手舞足蹈,不過餐廳嗰陣唔係好多人,加上好多仲係外籍人士,所以唔係好多人留意到佢。」

讀者仲讚蘭茜keep得好好:「講真我覺得佢靚過以前好多,皮膚好白滑,我見佢食嘢都好清淡,嗰陣係佢食pasta而唔係啲heavy嘢。」又係喎,睇到蘭茜一身貴婦look嘅打扮,同當年又真係分別唔大!

最港電影大獎投票網址

http://bit.ly/thekongestfilmawards

精選娛聞,喺晒《娛果》

http://fb.com/appledailyent

(讀者提供相片) 年近半百嘅蘭茜,似乎keep得幾好喎!(讀者提供相片) 食得仲好清淡。(讀者提供相片)
(讀者提供相片) (讀者提供相片) (讀者提供相片)
當年因為楊寶玲,令到蘭茜嘅形象改變咗好多!(資料圖片) 蘭茜唔介意扮醜女!(資料圖片)

鍾意就快D Share啦!