網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年2月17日 星期六

時裝車禍!澤仔姣婆紅褸VS G.E.M.緊身皮褲 __,G.E.M.,G.E.M,鄧紫棋,

唔係個個Carry到㗎!?藝人成日要以新形象示人,但唔係次次都可以扮到靚一靚,有時都會出現「時裝車禍」!今次就等我哋數吓有咩藝人撞過車啦!黃宗澤時裝界 ...


唔係個個Carry到㗎!?藝人成日要以新形象示人,但唔係次次都可以扮到靚一靚,有時都會出現「時裝車禍」!今次就等我哋數吓有咩藝人撞過車黃宗澤時裝界 ...


唔係個個Carry到㗎!?


藝人成日要以新形象示人,但唔係次次都可以扮到靚一靚,有時都會出現「時裝車禍」!今次就等我哋數吓有咩藝人撞過車

黃宗澤

時裝界炒車表表者黃宗澤(澤仔)不嬲都有獨特嘅時裝品味,睇番佢入行以嚟嘅衣着都以鮮色同花巧嘅pattern為主。而佢最近現身公開活動時,以姣婆紅超短身西裝褸配紙碎褲現身,唔講以為佢着咗玲玲姐件衫!其實澤仔依個造型絕對係襯過,見到佢着埋對紅鞋就知咩事啦,依身又姣又騷嘅造型,就算有model嘅身形都未必carry到!再睇埋澤仔嘅紫色羽毛背心加羽毛褲,十足十怪獸大學嘅阿拱,唔搵佢配音真係嘥晒,得到嘅驚嚇指數一定榮登榜首。如果澤仔要揀女朋友,睇怕冇咁上下taste都未必能夠同佢hole hole地相處!

G.E.M.

宇宙G.E.M.一向嘅造型都異於常人,每次亮相都會為大家嘅眼球帶來新衝擊。回顧返G.E.M.嘅經典阿婆超高腰尿片褲配襯嗰件螢光毛毛外套,震撼13億人口!除咗尿片褲,G.E.M.最鍾意着緊到就爆嘅皮褲,幾乎咩顏色都着過晒,搶眼得嚟仲識得將自己嘅粗腿表露無遺,真係少啲自信都carry唔到。所以話呢,fashion嘅嘢我哋地球人識條鐵咩,G.E.M.呀,地球好危險,快點回去火星!

陳展鵬

眾所周知時裝達人陳展鵬一路都走在潮流界尖啄,佢mix&match嘅技術已經去到至高境界。熱愛銀器飾物同花花衫嘅陳展鵬一早就獲各界關注,之前佢以白色小背心加黑色魚網外套示人,驟眼望落去好似夜場真漢子,呢一身嘅配襯營造出一陣好似頑固污積咁強嘅「娘味」,十枝鏹水都洗唔甩。視帝出席隆重場合點少得着西裝,話說陳展鵬有次就以金黃色格仔西裝見人,盡顯視帝嘅氣勢,但上身黃色,下身又係黃色,真係同秦先生撞到啪啪聲,但能夠着到咁有「娘味」,就只有陳展鵬先做到!

草蜢

堪稱時裝災難同學會嘅榮譽會長草蜢每次出席活動都會穿上,出自名設計師嘅名貴服裝登場。不過佢哋就好似好趕時間出門口,冇思考過啲衫襯唔襯就着晒上身,顏色同cutting都九唔搭八。就好似草蜢參加金曲獎嘅造型,傑仔以一襲白色窄腳裙出場,而蘇老闆嘅粉紅GD頭襯透視西裝,阿智就戴上面紗出場,腳踏高踭鞋嘅草蜢散發住濃烈嘅基味之餘,更埋沒咗三位嘅好身材,認真嘥晒!

徐濠縈

堪稱為Fashion Icon嘅徐濠縈(阿徐),佢曾經講過襯衫時間愈短愈好,大概15分鐘就襯好,不過一眾網民對佢嘅衣着就有啲保留,仲話佢個樣襯唔起添!雖然佢件件都差唔多係大牌子嘅「靚衫」,但係襯埋一齊總係奇奇怪怪咁,就連時裝設計師何國鉦都講過佢係「名牌奴隸」,唔知會唔會係關襯衫時間「太短」而出事呢?不過都係個句「Fashion呢家嘢,真係識條鐵咩?」下次都係花多少少時間襯衫

陳山聰

一向都被稱為潮人界天之驕子嘅藝人陳山聰,最擅長就係五顏六色嘅衫着埋一齊,而最大技能就係大膽嘗試,話之人哋點睇,總之就係「別人笑我太瘋癲,我笑他人看不穿」自我感覺良好!但係太有潮流觸覺埋沒自己真性情就唔係好事,睇佢呢身中式刺繡拉鏈外套上面仲有埋釘珠,騎呢到未能再形容,但佢好似嫌未夠突出,所以下身就再加多條闊到可以收埋自己嘅裙同鬆糕鞋,請給予最熱烈嘅掌聲嘉許佢已經到達忘人境界!

張秀文

每年TVB台慶都係時裝災難重災區,簡直就係一大塊時裝照妖鏡咁,「照耀」所有女星的真面目!其中擁有34D驕人上圍配纖腰既無綫台柱咪神張秀文就「經常」性出事,雖然唔吝嗇晒身材係好事,但係過度晒就出晒事﹗要了解有時露太多就會冇品味可言,就好似佢呢套高衩上下大露嘅晚裝嚟講,顯得對腳好粗,仲要配埋紅腰帶個感覺就娘上娘!而另一套絲綢釘珠上圍加長手套同裙,如果唔知佢係嚟參加台慶,仲以為佢要出賽比拉丁舞!

林峯

近期林峯同千語(吳千語)嘅戀情成為人氣熱話,當所有人都注意住一個人嘅某一樣嘢,就好多時都會忽略佢另一樣好值得討論嘅嘢,講緊嘅就係峯峯嘅神級衣着,有次佢就喺40幾度嘅大熱天氣,着咗一套充滿住中國特色嘅全紅燈心絲絨連身褲,褲腳位置仲要係紮腳包到實一實!簡直係挑戰人體耐熱極限,睇埋Detail位仲要係同色同質料嘅腰帶,唔知佢係咪真係好愛好愛好愛好愛好愛好愛好愛紅色呢?


來源 source: http://hk.on.cc
鍾意就快D Share啦!