2018年3月1日 星期四

細細粒儲代用券買護膚品贈阿媽 [壹週刊 - 1460 - 生活] __,細細粒,M1,

慳住使探熱針細細粒儲代用券買護膚品贈阿媽細細粒陳嘉佳去年事業運極旺,跟住經理人王祖藍返內地搵食外,又孭三部賀歲片,不過豬籠入水的她,依然精打細算唔做大 ...






慳住使

探熱針

細細粒儲代用券買護膚品贈阿媽

細細粒陳嘉佳去年事業運極旺,跟住經理人王祖藍返內地搵食外,又孭三部賀歲片,不過豬籠入水的她,依然精打細算唔做大花筒,早前她孖媽咪行街買護膚品,竟然攞出一大疊代用券找數,慳家又孝順。

火速掃貨

肥田有人爭!憑深水炸彈身形入娛圈的細細粒,五年來以女配角身份拍劇集及電影,密食當三番,今年更是賀歲片的搶手貨,串勻《捉妖記 2》、《棟篤特工》及《我的情敵女婿》三套賀歲電影。

密密搵,三十二歲的細細粒早已是圈中低調富婆,除一身名牌,三年前更搬到月租三萬多的灣仔會景閣,與富豪為鄰。早前忙完賀歲片宣傳,趁新年假期帶阿媽出動掃貨。當日孭住 Chanel手袋,一身貴婦打扮的她,到銅鑼灣的 Tom Ford護膚品狂掃,埋到櫃位,充滿購物慾的細細粒媽咪即左指右指,火速鎖定幾款護膚品。點知乜都想買的細細粒媽咪,轉過頭又改變主意,搞到 sales姐姐好忙。

左手均戴住大大隻鑽戒的兩母女,揀咗十幾分鐘,就掃了近十件護膚產品。小富婆細細粒埋單時,唔係用 cash找數,而係攞出一疊代用券, sales姐姐數完再數,不過依然唔夠俾,最後要細細粒簽卡找數。

細細粒出名錫媽咪,父親數年前離開,她跟母親感情愈來愈好,兩年多前,她搬到好風水的灣仔會景閣居住,雖然出入買餸不方便,唔識揸車的媽咪依然十分支持。





阿媽買了大堆護膚品,售貨單也水蛇春咁長。





一疊代用券唔夠俾,細細粒最後要用 credit卡找數。





細細粒阿媽在櫃枱左指右指,掃了大堆貨。





在電影記者會上,細細粒同阿 Bob扮嘴交足戲。





有份客串賀歲片《我的情敵女婿》,她第一時間向劉嘉玲集郵。





跟住王祖藍返內地發展,細細粒嘅喜劇天分可盡情發揮。





在內地發展,跟萬綺雯、王祖藍齊齊做節目搞笑。

儲錢買樓

「其實細細粒好精打細算,雖然會景閣租金貴,但佢計過晒數,包電費同清潔費,維起嚟仲平過租一個三萬蚊嘅單位,加上風水好,佢搬咗入去接咗好多 job。近年佢跟住祖藍入內地發展,兩個都係搞笑,細細粒反應夠快,所以有唔少內地騷都鍾意搵佢,今年算係大豐收。不過佢唔想太辛苦,忙完一輪又會去外地旅行輕鬆吓,如果佢好似祖藍咁搏命做嘢,賺得更加多。」身邊朋友透露。

細細粒希望今年做業主,她曾經表示:「呢兩年買股票成日摸頂,冇咗六位數,啲樓又不斷咁升,真係驚入巿又摸頂,都係努力儲吓首期先」要儲錢,細細粒用代用券買護膚品又確係啱數。





搵到錢,細細粒喜歡去旅行,有指她每次出外旅行都會食好住好,好捨得享受。





細細粒經常帶媽咪食好嘢,有她照顧,阿媽衣著光鮮,經常戴名錶鑽戒出鏡。





有份客串《捉妖記 2》,有機會跟偶像梁朝偉合作,她亦落力做宣傳。





細細粒聽風水師意見,入住會景閣,自此揸靚車,豬籠入水。

老臨公司出身

八級鋼琴造詣

32歲的細細粒(陳嘉佳),遇上伯樂王祖藍前,是觀塘一間臨時演員公司,負責聯絡工作的職員,偶而亦會落場在電影兼任大茄。直至在電影《矮仔多情》認識初當男一的王祖藍,被對方欣賞,之後安排細細粒在《福祿壽》演唱會為他伴舞,從此獲大台賞識。 13年王祖藍為她在劇集《老表•你好嘢》度身訂造肥妹角色「細細粒」,憑此跑出的她,更成《老表》系列的三朝元老演員。

深水炸彈外形,有霸氣的細細粒,屬家中獨女,自小被栽培琴藝,並取得八級資格,入行前曾在琴行兼任鋼琴教師。

撰文、攝影:娛樂組 


鍾意就快D Share啦!
Related Posts Plugin for WordPress, Blogger...