2018年3月26日 星期一

吳尊密冚嬌妻22年放閃晒愛 __,吳尊,

星光熠熠!投資額高達34億美元的綜合度假酒店美獅美高梅(MGMCotai)昨晚在澳門舉行慶祝派對,眾星及名人雲集,場面熱鬧!兩大型男吳尊及崔始源大受歡 ...


星光熠熠!


投資額高達34億美元的綜合度假酒店美獅美高梅(MGM Cotai)昨晚在澳門舉行慶祝派對,眾星及名人雲集,場面熱鬧!兩大型男吳尊及崔始源大受歡迎,吳尊早前首度與太太網上放閃,是22年來的首次,Sweet氹老婆!不過他指太太怕醜,不肯亮相真人騷節目。

【記者陳嘉敏、攝影吳文聰澳門直擊】國際天后Kylie Minogue、《飢餓遊戲》系列澳洲男星里安漢斯禾夫(Liam Hemsworth)、韓國男團Super Junior(SJ)成員崔始源、台灣男星吳尊、泰國演員Poyd、新加坡「凍齡大叔」攝影師陳傳多及一眾名人、名模,包括霍震寰陳琪琪伉儷、樂基兒、Danielle等,逾600位嘉賓昨晚雲集澳門,在亞洲首個多元化動感劇院美高梅劇院,出席集創新與藝術於一身的晚宴及慶祝派對,星光熠熠,並由美高梅中國控股有限公司聯席主席及執行董事何超瓊率眾嘉賓展開「藝臨其境」的奇妙旅程!

美獅美高梅已於上月13日正式開幕,昨晚延續開幕盛典,Kylie更成為美高梅劇院首個表演嘉賓,大唱金曲,將氣氛推向高峰!

吳尊在紅地氈受訪時,提到情人節首度上載與太太林麗瑩合照,他說:「甫相前兩日決定,佢有叫過唔好放,但我話冇關係,係開心事,而且一齊咗咁多年,1996年到依家。(太太覺得Sweet?)係,但好多朋友嚇親,問係咪啲相流咗出去。(考慮一家人上真人騷?)唔會喇!太太唔慣,佢上過《爸爸去哪兒》,只係戴口罩同亮相幾分鐘,不過電視台有再搵我哋,大女想再玩,成日問。佢會同節目嘅小朋友視像,好在只係鍾意同女仔玩,否則我就頭痛。」

崔始源粉絲多 超瓊成功集郵

獲逾百Fans支持的崔始源來過澳門多次,預告五月將再與SJ來開騷。問到對澳門的感覺,始源說:「中西文化交流點,有好多文化遺產、靚景同美食。(對美獅美高梅感覺?)啱啱去咗間朱古力店,未見過咁多由朱古力做嘅藝術品,好特別嘅體驗!」何超瓊笑言幸運地可以與粉絲眾多的崔始源合照,又指很欣賞Kylie:「我唔透露自己幾多歲喇!以前我享受去Party個年代,佢嘅音樂都好盛行,佢全能又有台型。」

而在澳門出世的樂基兒開心重回出生地,對於造人,她表示仍在努力中,今日又要去台灣拍廣告,兩公婆一齊時間少,但老公會飛去台灣爭取相聚時間。

Poyd與Chilam拍戲 爆靚靚監場

泰國變性人Poyd到澳門出席派對活動,透露剛與張智霖(Chilam)、梁靖琪(Toby)及薛凱琪合拍港片,更大爆Chilam老婆袁詠儀(靚靚)有到場探班。問到是否因她太靚,所以靚靚要親自監場,Poyd說:「唔會,佢好Nice。」並大讚靚靚凍齡有術:「睇落直情後生過我。」Poyd又指拍攝期間,與Toby成為好友:「佢仲教我廣東話。(教咗咩?)『好衰㗎!』同埋『因為我係醒目女。』而我就介紹咗布吉好玩、好食嘅地方畀佢。」她續透露將在香港拍攝一部動作片,不需要打但要揸槍。


來源 source: http://hk.on.cc
鍾意就快D Share啦!
Related Posts Plugin for WordPress, Blogger...