當眾嘴嘴，羅天宇同湯洛雯好sweet喎，不過已經係過去式啦，其實他們已經分手兩個月。羅天宇仲火速搭上陳瀅，無縫交接呀！
湯洛雯近期喺Ig留言話要深呼吸，然後放手，咁感歎，原來係同羅天宇散咗！羅天宇同湯洛雯拍《愛·回家》撻着，13年開始地下情，可惜四年幾感情已經玩完。近半年他們成日嗌交，無數次分分合合，大家都唔捨得，但係相處出問題，所以一直喺度拖拉。
舊年十月羅天宇生日，湯洛雯喺香閨為他開party慶祝，親手整咗個生日蛋糕俾佢，仲溫馨嘴嘴，其實當時剛剛復合。今次係第n次分手，佢哋覺得真係好難繼續落去，但係遲啲仲會一齊返橫店拍《包青天再起風雲》。
羅天宇家底唔錯，向來多女埋身，佢啱啱重新上市，就俾一向鍾意同有錢人做朋友嘅陳瀅睇中。近期佢哋行得好埋，成日見面。早幾日仲孖住去大牌檔撐枱腳。陳瀅喺大牌檔拍「挑戰發呆1分鐘」嘅片嗰陣，有人見到羅天宇都在場。
新歡舊愛都係靚女，羅天宇有計呀！
來源 source: http://s.nextmedia.com
|
鍾意就快D Share啦！
|
|
|
