掃呢頁CODE去手機

2018年3月4日 星期日

【爆相爆片】起飛前急急腳登機 廖碧兒孖30代型男遊芬蘭 __,碧兒,廖碧兒,

廖碧兒(Bernice)入行以嚟除咗曾經同劉愷威及陳豪拍過拖外,亦同林忠豪及陳法拉舊愛、Neway太子爺薛世恒傳過緋聞。舊年2月傳出Bernice撻着 ...




廖碧兒(Bernice)入行以嚟除咗曾經同劉愷威及陳豪拍過拖外,亦同林忠豪及陳法拉舊愛、Neway太子爺薛世恒傳過緋聞。舊年2月傳出Bernice撻着富豪男友,其後更突然富貴,除咗搬到大埔豪宅住同出入有司機外,又喺法國買咗個酒莊,更喺中環開酒吧又投資過百萬開食物加工場,不過,Bernice事後否認有富豪新歡,強調自己仍然係單身。

自從傳Bernice同富豪拍拖之後,都唔見佢有其他緋聞,不過,日前就有讀者見到Bernice同個男仔一齊喺芬蘭搭飛機返香港。

讀者Jo日前透過《蘋果》嘅「爆相爆片」報料,話日前下午5點左右,撞到廖碧兒同個男仔搭芬蘭航空AY099班機返香港,兩個人全黑打扮。

阿Jo話:「其實我同佢哋係同一班機由芬蘭赫爾辛基返香港,班機原本當地時間夜晚11點幾喺赫爾辛基起飛,點知delay咗個幾鐘頭,到凌晨點幾鐘先至起飛。佢同個男仔差不多臨起飛前4、5個字先至上機,佢哋坐商務,我就坐premium economy ,佢哋上機時我見到佢哋,兩個人全身黑色行入嚟,都好引人注目吓,大家都不期然望一望,先至發現原來係廖碧兒。」

阿Jo話廖碧兒落機嗰陣都有戴番副黑超,不過,落機之後廖碧兒同個男仔並冇跟其乘客咁行去過關,而係同個男仔搭機場電動車,去到攞行李嗰陣,讀者先至再見番廖碧兒。問有冇見到廖碧兒同個男仔有親熱舉動?阿Jo話:「咁又見唔到,只係見到兩個人有傾吓偈。」

Bernice同個男仔係坐商務單邊前後位,而根據資料顯示,搭機場內嘅電動車每個人要港幣70蚊,唔知廖碧兒係怕俾人認出,抑或係太攰唔想行嘅關係,所以寧願俾多小小錢唔使行咁遠呢?睇番啲相,個男仔年約30幾,個款有啲似造型師,近日Bernice都有喺Instagram貼咗一啲喺飛機及身在歐洲嘅相同片,唔知佢究竟係去做嘢吖,抑或同男性朋友去旅行散心呢?又或者,嗰個男仔,就係傳聞中佢富豪男友?

精選娛聞,喺晒《娛果》

http://fb.com/appledailyent

(讀者提供圖片) 廖碧兒日前搭飛機由赫爾辛基返港(讀者提供圖片)
(讀者提供圖片)
(讀者提供圖片)
(讀者提供圖片)
落機後,廖碧兒與男伴坐電動車離開閘口。(讀者提供圖片)
廖碧兒與男伴一齊等行李(讀者提供圖片)
(讀者提供圖片)

鍾意就快D Share啦!