網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年3月22日 星期四

古巨基老銅發呆 定格5分鐘唧都唔笑 __,古巨基,

基仔化身蠟像「時光基」突襲鬧市玩發呆!最近全城掀起「發呆」熱,古巨基也接受挑戰,前日(20日)穿上白色重型皮褸突襲銅鑼灣鬧市,化身發呆「時光基」站在其 ...


基仔化身蠟像「時光基」突襲鬧市玩發呆!


最近全城掀起「發呆」熱,古巨基也接受挑戰,前日(20日)穿上白色重型皮褸突襲銅鑼灣鬧市,化身發呆「時光基」站在其演唱會巨型海報前,引起大批途人駐足圍觀,有市民充滿疑惑問:「係咪真人嚟㗎?」「佢唔答我」「佢都唔眨眼」,有小朋友戰戰兢兢埋身掂基仔手臂,更多途人當正基仔是景點,拎出手機跟他自拍,最搞笑有大媽伸出指篤基仔條腰笑說:「我唧你會唔會笑?」基仔十足「假人」一樣完全冇郁動,直至有女童由媽媽帶住走到基仔面前自拍,基仔突然嘩一聲,把女童媽媽嚇到挈大口仆落地,非常爆笑!

紓緩緊張情緒

基仔發呆完畢後,跟被途人捕獲合照,有位準新娘子對基仔說:「我明日結婚,好開心見到你。」又有嬸嬸老實不客氣捽他的面珠,問到基仔是否鍾意發呆?他笑說:「古太就最鍾意發呆。」他自爆是應側田邀請參與「全城挑戰發呆1分鐘」,他指都市人每日都處於緊張的情緒,要有適當的紓緩,呼籲大家關心情緒的健康,並笑說:「我一係唔玩,一係就做好玩啲、得意啲嘅嘢,我特登換番影演唱會海報件衫嚟,扮番騎住時光機個甫士。」挑戰成功的基仔「呆」足5分鐘,自爆有途人笑他像山頂蠟像館的蠟像,由於他要模仿海報上的甫士,所以難度很高,他說:「要彎住身,兩隻手要凌空,原來係好攰,做完我條腰梗咗,因為唔可以眨眼,所以對眼好澀。」隨即清唱:「眼睛不能沒眼淚,個口不能流口水。」非常抵死。

搭巴士玩「基遇」

基仔玩到興起,再即興搭巴士與乘客玩「基遇」,身上有八達通卡的他拎住張50元紙幣在巴士站找人兌換硬幣,之後,跳上巴士的基仔笑說:「嘩,冷氣巴士正!」因為巴士滿座,基仔只得「企位」,但乘客見到基仔出現,開心得拎起手機不停影,基仔亦主動跟乘客合照留念,他又搞笑問車廂內一位太太:「架車經唔經紅館㗎?」太太就耐心教基仔何處落車再轉車,不過,因趕住工作關係,基仔搭了幾個站就落車。之前基仔試過執導並在巴士上拍攝,他笑說:「咁做嘢梗係低調啲,着到咁行搭巴士就第一次!」

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!