掃呢頁CODE去手機

2018年3月22日 星期四

響應「發呆」街頭變「蠟像」 古巨基定格5分鐘嚇跌媽咪 __,古巨基,

古巨基穿上影演唱會海報的戰衣現身鬧市,並「發呆」5分鐘。
響應「發呆」街頭變「蠟像」古巨基定格5分鐘嚇跌媽咪為響應「全城挑戰發呆1分鐘」,古巨基化身蠟像「時光基」突襲鬧市玩發呆,更擺出高難度動作,任人影、亂摸 ...


響應「發呆」街頭變「蠟像」 古巨基定格5分鐘嚇跌媽咪

為響應「全城挑戰發呆1分鐘」,古巨基化身蠟像「時光基」突襲鬧市玩發呆,更擺出高難度動作,任人影、亂摸亂掂,搞到腰骨都梗!愈玩愈高興的基仔又打親民牌,搭巴士與乘客玩「基遇」,似在車廂舉行小型聚會。

最近全城掀起「發呆」熱,古巨基也接受挑戰,前日穿上白色重型皮褸突襲銅鑼灣鬧市,化身發呆「時光基」站在其演唱會巨型海報前,吸引大批途人駐足圍觀,有市民充滿疑惑問:「係咪真人嚟?」、「佢唔答我」、「佢都唔眨眼」,有小朋友戰戰兢兢埋身掂基仔手臂,更多途人當正基仔是景點,拎出手機跟他自拍,最搞笑有女士出手篤基仔條腰笑說:「我唧你會唔會笑?」基仔十足「假人」一樣完全冇郁動,直至有女童由媽媽帶住走到基仔面前自拍,基仔突然「嘩」一聲,把女童媽媽嚇到O嘴仆落地,非常爆笑!

紓緩緊張情緒

基仔發完呆後,就被途人捕獲合照,有位準新娘子對基仔說:「我明日結婚,好開心見到你。」又有嬸嬸老實不客氣捽他面珠,問到基仔是否鍾意發呆?他笑說:「古太就最鍾意發呆。」他自爆是應側田邀請參與「全城挑戰發呆1分鐘」,他指都市人每日都處於緊張情緒,要有適當的紓緩,呼籲大家關心情緒的健康,並笑說:「我一係唔玩,一係就做好玩啲、得意啲嘅嘢,我特登換番影演唱會海報件衫嚟,扮番騎住時光機個甫士。」挑戰成功的基仔「呆」足5分鐘,自爆有途人笑他像蠟像館的蠟像,由於他要模仿海報上的甫士,所以難度很高:「要彎住身,兩隻手要凌空,原來係好攰,做完我條腰梗咗,因為唔可以眨眼,所以對眼好澀。」隨即清唱:「眼睛不能沒眼淚,個口不能流口水。」非常抵死。

古巨基
  • 古巨基
最終基仔被大批市民包圍及集郵。
  • 最終基仔被大批市民包圍及集郵。
有女士出「唧功」,基仔卻不動如山!
  • 有女士出「唧功」,基仔卻不動如山!

搭巴士玩「基遇」

基仔玩得興起,再即興搭巴士與乘客玩「基遇」,身上有八達通的他拎住張50元紙幣在巴士站找人兌換硬幣,之後跳上巴士的基仔笑說:「嘩,冷氣巴士正!」因為巴士滿座,基仔只得「企位」,但乘客見到他出現,開心得拎起手機不停影,基仔亦主動跟乘客合照留念,他又搞笑問車廂內一位太太:「架車經唔經紅館?」太太就耐心教他何處落車再轉車,不過,因趕住工作,基仔搭了幾個站就落車。之前試過執導並在巴士上拍攝的他笑說:「咁做嘢梗係低調啲,着到咁行搭巴士就第一次!」

基仔突然嘩一聲,嚇到帶住囡囡的媽咪仆一仆!
  • 基仔突然嘩一聲,嚇到帶住囡囡的媽咪仆一仆!
基仔搭巴士,作貼地體驗。
  • 基仔搭巴士,作貼地體驗。

文:音樂組






鍾意就快D Share啦!