網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年3月29日 星期四

自認後知後覺 謝文欣等足5年終於出歌! __,

謝文欣等足5年終於出歌喇!歌手謝文欣(Ally)到電台宣傳首支派台歌《其實我牽掛》,表示歌曲講述一對成長中的情侶因追求的東西不同,故無奈分開,但女仔分 ...


謝文欣等足5年終於出歌喇!


歌手謝文欣(Ally)到電台宣傳首支派台歌《其實我牽掛》,表示歌曲講述一對成長中的情侶因追求的東西不同,故無奈分開,但女仔分開後一直都牽掛着男仔。問到可有類似經歷?她表示自己的經歷不是在愛情上:「首歌講女仔堅持呢段愛情,但我就係堅持工作,希望有一日可以行到上舞台唱歌。」她謂這5年感謝公司給她機會,將她由張白紙訓練到識表現自己。問到等了5年才出歌是否特別感動?她坦言:「係呀,好感動,同埋我覺得今年係right timing,自己身心都覺得ready好。(等咗5年終於ready?)我個人比較後知後覺,可能人哋要1年嘅嘢,我就要用5年,例如做主持點點點可以自然啲,人哋講完其實我係明,但唔知點表達出嚟,同埋自己同人相處都好咗,以前我會收埋啲。」

她亦謂此曲其實是上年錄,到今年二月與粉絲開生日會時,老闆何哲圖謂4月會幫她出歌,她謂:「嗰吓好感動,其實我都覺得係啱啱好,我都係今年頭突然覺得自己ready好,可以面對呢樣嘢,如果幾年前推我出嚟,我都未必有呢個思維或成長經歷配套去做好啲,比起啱啱入行係進步咗。」但講到同公司有很多歌手,單是女歌手都有吳若希、菊梓喬等人,問到可覺會爭崩頭?她謂:「完全冇諗過,我比較隨遇而安,每人有自己嘅路,同埋老闆會睇清楚每個人咩性格,行咩路線最好,我冇諗過同其他人比較或爭嘢,唯一畀壓力自己係要做好自己,唱live唔好走音,做訪問唔好講錯嘢。」


來源 source: http://hk.on.cc
鍾意就快D Share啦!