掃呢頁CODE去手機

2018年3月15日 星期四

【最新】黎明「新歡」疑懷孕6個月 樂基兒送祝福:so happy for them __,樂基兒,黎明,基兒,

下午3點45左右,約10名記者喺黎明寓所外守候。(攝影:徐錦池、吳耀輝)【新增回應】黎明失婚六年,隨着前妻樂基兒去年再嫁,與圈外做食品生意男友Ian結 ...




下午3點45左右,約10名記者喺黎明寓所外守候。(攝影:徐錦池、吳耀輝)

【新增回應】

黎明失婚六年,隨着前妻樂基兒去年再嫁,與圈外做食品生意男友Ian結婚,上周忽然有周刊爆料,指他和A Music職員Wing譜「父女戀」,Wing由普通藝人助手,躍升為營業部經理,用黎明公司名下私家車代步,又喺上水豪宅自由出入。

消息傳出後,網民對黎天王「轉口味」大感震驚,未料今日周刊再爆料,指Wing已為黎明陀B,影到腹大便便嘅相,疑似懷孕6個月,Wing當日身穿名牌,坐車去沙田shopping,睇家品同BB床,之後又去睇七人車,猶如貴婦出巡,Wing個肚又越嚟越大。

過去,黎明面對感情事都以低調手法處理,當年同樂基兒結婚亦冇主動公開,關於Wing與佢譜「父女戀」一事,過去一星期未有作出任何回應,至於黎明將於下周一以娛樂大使身份出席活動,屆時會否為「新歡」陀B傳聞回應,就真係要睇黎天王開唔開金口喇!

之不過黎明前妻樂基兒唔知係唔係知內情,佢回覆《蘋果》話“congratulations and so happy for them. They deserve everyone’s blessing and all the best.”

消息傳出後,下午3點45左右,約10名記者喺黎明寓所外守候,現場保安大為緊張。

精選娛聞,喺晒《娛果》

http://fb.com/appledailyent


鍾意就快D Share啦!