掃呢頁CODE去手機

2018年3月17日 星期六

【狗仔出更】香港首位玉女 70歲馬海倫名店掃貨 專攻OL至愛 __,馬海倫,

法律界有個「法律界馬海倫」——容海恩,嗱,唔好講靚唔靚啦,但正版——馬海倫,就一定係索。家中獨女嘅馬海倫,屋企做船務生意,16歲參加邵氏舉辦嘅「香港玉 ...




法律界有個「法律界馬海倫」——容海恩,嗱,唔好講靚唔靚啦,但正版——馬海倫,就一定係索。

家中獨女嘅馬海倫,屋企做船務生意,16歲參加邵氏舉辦嘅「香港玉女」選舉勝出,係真真正正嘅「玉女掌門人」。中五畢業之後先至入行。當年喺佳視嘅《流星蝴蝶劍》、《仙鶴神針》都深入民心。

馬海倫一向做開靚女、俠女角色,不過近年觀眾對馬海倫嘅認識,就係做綠葉,有時甚至要扮醜……已屆70歲馬海倫曾話過,佢係完全唔介意做騎呢角色:「汪阿姐都要做人阿媽啦,冇可能仲紮兩條辮仔去撲蝶0嘛,你出嚟自己都反胃」

89年離婚之後,馬海倫一直保持單身,得閒打下golf,注重養生之道,日日食兩湯匙花膠,飲食少鹽少油。佢話過:「好怕啲男人條褲『dum』喺個肚腩下面,真係好核突0架!」馬海倫真係一直keep住好弗嘅身形。

不言退嘅佢,依家開緊新劇《逆緣》,閒來去下shopping。日前下午四點左右,馬海倫就喺利園Theory置裝,發現佢嘅時候,就一個人坐喺度,已經揀好晒戰利品,坐咗喺度簽嘢,應該就係留底地址送貨。

簽卡埋單嘅時候,只見馬海倫同店員密密傾,應該係熟客。埋單之後仲傾咗近二十分鐘,之後兩手空空咁行出嚟,應該係留地址送貨喇。Theory一向講求極簡主義,都會感重,係唔不少OL穩陣之選,允兒、秀智同吳佩慈都係捧場客。

(採訪、攝影:梁繼光) 馬海倫不時都會玩下電話


埋單之後仲傾咗近二十分鐘,之後兩手空空咁行出嚟
16歲參加邵氏舉辦嘅「香港玉女」選舉勝出
馬海倫是家中獨女,屋企做船務生意

鍾意就快D Share啦!