陳倩揚出席慈善跑活動。
藝人陳倩揚與蔡穎恩（Evelyn）出席慈善跑活動，分享環境保育心得。陳倩揚表示現時懷孕近5個月，距離生BB的時間過了一半，覺得時間過得好快：「日子好充實，有好多新工作安排，嚟緊會拍廣告、訪問同做主持。」她認為這些工作對懷孕媽媽來說是開心事，可以學到新的東西及遇到很多挑戰，而工作亦會排到生B之前：「好多屋企同BB產品廣告，都想個肚大啲先影。（BB係仔定女？）下星期會去照結構，都想快啲知，依家都忍手唔添置啲BB衫同房間飾物住。」
獲得好多BB物品嘅贊助
陳倩揚表示如果早些知道BB的性別，可以讓現年7歲和3歲的囝囝有心理準備，問可有保留舊有的BB物品？她說：「其實好多嘢都送晒畀朋友，轉手對大家嚟講係祝福、亦都環保，平時同囝囝去街市買餸都會帶環保袋同盒嚟裝食物。」問到是否已經有很多BB物品贊助？她直言以往都有很多，包括尿片、奶粉、衣服、鞋、家具及玩具：「但如果有重複會第一時間轉贈畀人，都多謝我有幾個小朋友令我有動力去實踐環保。」
身體力行教小朋友保育知識
談及政府日前公布財政預算案，將派發1萬張主題樂園門票給全港中、小學生，問囝囝可有受惠？陳倩揚說：「如果等小朋友喺課外認識多啲大自然，多啲機會免費畀佢哋去學野外生態教育都係好事，家長都多個選擇。（得1萬張門票驚搶唔到？）呢樣咁Technical嘅嘢未諗咁多，無論有冇飛都好，都會身體力行教小朋友保育知識，當然多啲人受惠係最好。」
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|