（互聯網圖片）
咪睇呢個靚金瘦瘦削削，個樣斯斯文文就想蝦人，畀佢打到一仆一碌都唔知乜事呀！台灣美少女文姿云，打扮嘅時候堅似「香香公主」岑麗香，絕對睇得又打得，打屆亞運就勇奪空手道金牌，舊年更登上世界第一，2020東京奧運會一定要睇佢表演。呢位靚女有咁嘅成就，一定要多得「魔鬼教練」男友嚴格調教，文姿云都話唔係男友教得好，自己就冇今日成就。咁小鳥依人，堅估唔到上到台咁打得。
今年25歲嘅文姿云，上屆亞運會一鳴驚人奪金，喺台灣好有名氣，傳媒都叫佢「小清新」，覺得佢靚得嚟又平易近人，形象勁正面。因為又靚又有實力，所以「台灣香香」為好多品牌代言，其中一隻F字頭運動品牌，喺舊年文姿云登上55公斤級世界第一之後，就同佢續約到2020年，當然係睇中文姿云，有喺東奧奪金嘅潛質啦。平時文姿云喺空手道台上冇乜化妝，但記者會當日打扮過後堅正，唔少當地巴打，都勁羨慕佢男友。
原來文姿云已同男友拍拖八年，佢正正係教練徐瑋駿。文姿云甜絲絲咁話，徐瑋駿多年來畀到佢好大自信心，「比自己更加信任自己」，雖然訓練時去得好盡、練得勁辛苦，但就正因為男友超嚴格，先令佢練成一身好武功，前日於荷蘭舉行的世界公開賽決賽擊敗強敵，奪得今個賽季首面金牌。依家佢目標係於嚟緊8月亞運會衞冕金牌，跟手強勢挑戰東京奧運冠軍寶座。
Follow東網體育IG一齊撐本地運動員！
http://bit.ly/2EYxoRh
東網體育FB同你追實體壇每個精彩時刻！
http://bit.ly/2ecTF2A
來源 source: http://hk.on.cc
|
鍾意就快D Share啦！
|
|
|
