掃呢頁CODE去手機

2018年3月12日 星期一

【就到白色情人節】陳展鵬帶女友工廈食飯:你覺得有咩要慶祝? __,陳展鵬,展鵬,陳展,

陳展鵬同單文柔呢一對戀人,平時拍拖會去邊呢?噚晚《蘋果》記者就喺觀塘發現呢一對戀人喇,佢哋就去到一座工廠大廈入面嘅一間西餐廳食飯,陳展鵬就戴住一頂黑帽 ...




陳展鵬同單文柔呢一對戀人,平時拍拖會去邊呢?噚晚《蘋果》記者就喺觀塘發現呢一對戀人喇,佢哋就去到一座工廠大廈入面嘅一間西餐廳食飯,陳展鵬就戴住一頂黑帽,單文柔就戴一頂白帽,係唔係夾過嘅呢?

唔好以為戴住帽就係低調啊,因為喺佢哋埋單嘅時候,仲同餐廳嘅職員一齊大合照。埋完單出嚟之後,一見到記者就面色一沉,問到係唔係慶祝啲咩紀念日咁,陳展鵬即時好不耐煩咁答:「你覺得有咩要慶祝?」

而呢座工廠大廈就要登記先可以入嚟,但如果講去邊間餐廳就唔使登記,去到工廈門口,單文柔就直接去到保安嘅位置,向保安投訴,問點解記者可以入到嚟,仲鬧咗個保安一段時間,之後兩個就上車離開。

精選娛聞,喺晒《娛果》

http://fb.com/appledailyent

(採訪、攝影:黃曉程、朱志聰) 同餐廳嘅職員一齊大合照
一見到記者就面色一沉
陳展鵬好不耐煩咁答:「你覺得有咩要慶祝?」





鍾意就快D Share啦!