掃呢頁CODE去手機

2018年3月26日 星期一

黃牛飛猖獗!黃子華被屈又食又拎斥離譜 __,子華,黃子華,

子華爆Seed!黃子華日前宣布「收咪」,將舉行「最後」棟篤笑係,不單成為全城熱話,今日開始優先訂票,點知有唔少網民紛紛喺討論區聲稱話買唔到,同時黃牛黨 ...


子華爆Seed!


黃子華日前宣布「收咪」,將舉行「最後」棟篤笑係,不單成為全城熱話,今日開始優先訂票,點知有唔少網民紛紛喺討論區聲稱話買唔到,同時黃牛黨又出嚟搵食,門票竟然炒到一萬五千蚊元以上!

今日黃子華喺Facebook上載兩段短片,先表達當中嘅憤怒,同時宣布下個月喺城市電腦售票網公開發售時,每人只限買四張,因為要杜絕黃牛黨取利!子華表示原本有兩場用來休息或用作打風時來「賠番畀大家」,但依家佢話唔休息,總知搏命,將啲飛賣晒畀觀眾。

諗過報警或ICAC呢

子華話今日佢嘅團體喊晒口打畀佢,初時仲以為網上預售銷情唔好,原來係黃牛黨搞搞震,佢話:「團隊點解喺度喊?因為電台、記者、各方面都搵佢,話有網站啲人喺度賣黃牛,嗰啲人話『係有內部渠道』!,我今日為止都冇飛,我個團隊都冇飛,佢哋已經有飛,因為佢哋有『內部嘅渠道』。」佢話本來有諗過係咪去報警或報ICAC,但係又覺得冇線索可以去舉報,佢話:「係咪應該報警或者報ICAC呢?內部竟然有飛,係點樣得嚟?最大問題,根據現有法例,(黃牛)唔係完全犯法,我喺度正式同政府提出,大家係咪係時候正視?」

接受世界係唔完美

對於竟然有網民留言,指黃子華「又食又拎」,即係話佢又賣飛同賣黃牛,子華話明真係睇到好激動,佢話:「有啲人甚至講:『係咪你呀黃子華?又食又拎?一方面正式賣飛,另一方面黃牛又係你!』點解我團隊中有啲人會喊嘅其中一個原因,就係覺得好委屈。我冇咁嘅本事,可以話畀你聽,我比任何人都覺得嬲,我花咗咁多精神時間去準備,每日臨瞓、未起身一擘大眼、半夢半醒諗緊嗰句嘢點講呢?有句嘢我諗咗成個月都唔知應該係點樣講,大家都好辛苦去準備一個表演,然後就喺一啲完全唔需要去付出嘅人,去賣一倍,兩倍,三四五六七倍嘅價錢,令一啲好長期支持你嘅fans去承受呢啲價錢,我一路都好接受世界係唔完美,但係咁係太過不完美,係太過離譜!」

子華呼籲政府注視黃牛問題,同時又呼籲大家唔好買黃牛飛,「唔好買!即係如果我做騷有一堆空,最前嗰啲空晒,如果我見到好多場都係咁,咁即係證明好多人可能冇買黃牛。可能咪做番一、兩場,補番畀呢啲觀眾囉!」

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!