掃呢頁CODE去手機

2018年3月15日 星期四

師兄踢波發洩封嘴避談「分」訊 __,師兄,劉浩龍,

死角入波,劉浩龍上載相片晒V!
師兄踢波發洩封嘴避談「分」訊劉浩龍與容祖兒5年情玩完,甩拖的師兄對分手一事一直未有回應,昨日下午2時許他驅車離開貝沙灣寓所,前往九龍灣球場會合吳家樂、 ...


師兄踢波發洩封嘴避談「分」訊

劉浩龍與容祖兒5年情玩完,甩拖的師兄對分手一事一直未有回應,昨日下午2時許他驅車離開貝沙灣寓所,前往九龍灣球場會合吳家樂、羅家英、張兆輝及林敏驄等人踢波,落車時師兄被追問分手一事,殘爆兼眼腫腫的他只強顏歡笑,未有答話,而身旁的羅家英見狀亦幫口「擋駕」,向記者說:「嚟踢波問啲咁嘅嘢嘅!呢啲假象嚟,宣傳嘅啫。」

及後師兄與羅家英急步入球場準備開波,落場時師兄明顯表現落力,情傷的他實行狂踢波發洩,見他踢足全場未停過,完場後他便頭耷耷獨自取車離開,記者上前追問與祖兒分手一事,他繼續封口不答,只表示買完咖啡及入油後便會返家。

劉浩龍發洩完,去便利店買嘢。
  • 劉浩龍發洩完,去便利店買嘢。

此外,昨日師兄於社交網上載穿上球衣晒V照,並留言指自己入了一球死角球靚波:「好開心好開心。」之後再上載下廚低溫慢煮雞胸肉的照片,並大讚好食。




鍾意就快D Share啦!