掃呢頁CODE去手機

2018年3月26日 星期一

【解決身體問題啫】捱義氣試用「收陰機」 吳綺莉:有乜咁尷尬 __,吳綺莉,

單親媽媽吳綺莉為醫美中心拍片分享試用「收陰機」心得介紹接受私密部位護理療程,被指接下「收陰機」代言工作。不過,《蘋果》致電問吳綺莉回應時卻一頭霧水表示 ...




單親媽媽吳綺莉為醫美中心拍片分享試用「收陰機」心得介紹接受私密部位護理療程,被指接下「收陰機」代言工作。不過,《蘋果》致電問吳綺莉回應時卻一頭霧水表示:「唔係,朋友話叫我嚟試下。」吳綺莉否認成為代言人:「吓,咁搞笑,點解連我自己都唔知!」

問到點解會拍試用短片?吳綺莉表示:「我朋友話幫下手,我份人冇所謂。」咁有冇收酬勞?佢話:「之前幫呢間美容公司影咗輯相,佢哋好好嘅,時不時有新嘢叫我去試,就咁之嘛。」有冇叫你做埋代言人?吳綺莉話:「暫時未傾到呢步。」有冇覺得蝕底咗?免費幫人宣傳「收陰機」?佢大方表示:「唔會嘅,朋友嚟,佢哋都好好。」吳綺莉仲話唔會追番代言費:「因為平時有去佢度做美白、去斑,大家朋友嚟。」記者讚佢好有義氣,佢笑笑話:「我OK㗎。」

問到介紹收陰機有冇尷尬?吳綺莉坦言:「我又唔覺得尷尬喎,因為女性生過小朋友,都會教你要提肛,呢啲係對身體嘅問題嚟嘅,人大大吓,有時咳呀,笑得太勁,有啲問題會出現,我覺得冇嘢,firm嚟啫,有乜咁尷尬啫。」

精選娛聞,喺晒《娛果》

http://fb.com/appledailyent



吳綺莉為美容中心介紹「收陰機」,原來係捱義氣免費試用。(facebook截圖)
女人有啲身體問題,正面面對,唔使尷尬。(facebook截圖)

鍾意就快D Share啦!