掃呢頁CODE去手機

2018年3月6日 星期二

【攝影師眼中最具魅力】直言對陳玉蓮情有獨鍾 劉德華:我真人靚仔啲! __,劉德華,陳玉蓮,

「香港專業電影攝影師學會」30週年晚宴今晚假香港洲際酒店舉行,吳鎮宇、劉兆銘、劉偉強、黃岳泰、文詠珊(JaniceMan)、周秀娜等出席。由黃心美及林 ...




「香港專業電影攝影師學會」30週年晚宴今晚假香港洲際酒店舉行,吳鎮宇、劉兆銘、劉偉強、黃岳泰、文詠珊(Janice Man)、周秀娜等出席。由黃心美及林家棟擔任大會司儀,晚宴期間除咗會公佈新一屆理事名單外,仲會頒發4個專業獎項,由劉德華及范冰冰將獲得「攝影師眼中最具魅力男、女演員獎」,蔡崇輝憑《西遊‧伏妖篇》獲得「年度最傑出攝影獎」,而香港沙龍電影有限公司嘅魏天明先生將獲頒「專業精神獎」。

華仔受訪時被問到得獎,佢話:「其實香港都有好多有魅力嘅男藝人,大家俾面啫,我只係其中一個。」問佢覺唔覺得自己上鏡,華仔笑言:「我真人靚仔啲囉!」問到佢覺得最靚仔係邊度,佢話:「耳仔」,至於面部,佢就話係分界嗰邊靚啲,而仲不時有唔同嘅分界。

而問到華仔覺得邊位女藝人最有魅力,佢話:「今日嚟講梗係揀范冰冰如果冰冰以外,我就會揀蓮妹,情有獨鍾。」

再問到華仔今年獲提名金像獎影帝,有幾多信心時,華仔話:「年年都係咁㗎不過今年有好多新血,我識田壯壯好多年,當年佢搵我做導演,佢做監製,但係因為我細膽,唔敢拍,驚自己做得唔好,票房唔好,怕自己連演員都冇得做,好大壓力。」問到華仔想執導咩電影,佢話:「我自己就鍾意喜劇,不過唔係嗰皮。」

問到金像獎嘅對手,華仔話:「鄭中基嗰個古仔我好鍾意,而古仔(古天樂)嗰個演出就幾特別,田壯壯就文藝片啦,而做自閉症男仔嘅凌文龍都係好強。(咁你自己呢?)我係生命拯救生命囉,角色比較特別,但演出就平實一啲,冇乜大起大跌,但古仔嗰個演出幾需要體力,都要打,辛苦過我。」而華仔仲話其實鄭中基嗰套《大樂師.為愛配樂》嘅劇本,佢曾經喺飛機上撞過導演,對方俾過本書佢睇,佢睇完好鍾意,仲話想買咗對方個劇本,不過當時套戲已經拍緊,問到華仔會唔會覺得好遺憾,佢話:「唔緊要啦,應該仲有好多好嘢。」

精選娛聞,喺晒《娛果》

http://fb.com/appledailyent

(攝影:沈健程) 華仔(左)獲頒「攝影師眼中最具魅力男演員獎」
佢話覺得耳仔最靚
真人仲靚
仲有啲表情都幾可愛
吳鎮宇(左)都有現身晚宴
黃心美同林家棟拍檔做司儀
「春卷」王寶寶性感現身
何浩文、伍允龍
鮑起靜同老公方平孖住出席
四哥謝賢及銘Sir









鍾意就快D Share啦!