掃呢頁CODE去手機

2018年3月7日 星期三

楊斯捷擇偶貪靚仔 全力搏殺唔恨嫁  __,楊斯捷,

女人都唔一定要靠人嘅!唱作歌手楊斯捷(Phoebe)最近推出新歌《枷鎖》,國語版就是《面目全非》,她更包辦了國語版的曲詞創作。她表示歌曲比較慘情、哀怨 ...


女人都唔一定要靠人嘅!


唱作歌手楊斯捷(Phoebe)最近推出新歌《枷鎖》,國語版就是《面目全非》,她更包辦了國語版的曲詞創作。她表示歌曲比較慘情、哀怨,是她上年發完一個夢有感而發:「夢見前男友,唔係太好嘅夢,瞓醒發現自己喊咗,去洗手間洗面,見到鏡入面嘅自己喊到好似面目全非,諗起嗰段感情都好似面目全非。(前男友hurt得你好深?)分手其實係因為一件小事,大家都下唔到氣番轉頭,其實只係女仔發吓脾氣,諗住個男仔會氹吓,但點知冇囉,我哋都比較硬頸,一個以為對方唔會走,一個以為對方會挽留,但點知冇人行先嗰步,當時分手都有種唔甘心,但後來寫完呢首歌之後個人好似放鬆咗。」

Phoebe亦謂與前度再沒聯絡,問到可會想把這首歌給對方聽?再見不是朋友的她則謂:「佢聽到咪聽到,佢聽到都應該唔會點啩,但佢應該知道係寫佢,因為首歌係上年寫,所以佢知道個時間。」上段戀情不甘心地分開,現時她決定寄情工作,認為緣份不能強求,而且因過年後就要開始到北京發展,到時會香港北京兩邊走工作,比較忙碌。

但講到擇偶條件,Phoebe坦言希望將來男友有上進心,又自嘲膚淺,只喜歡靚仔,笑言希望對方要有類似內地男神楊洋的外表。講到今年將27歲,她透露原來家人已經催婚:「都壓力大,畢竟阿爸阿媽唔想我一個女仔出去搏殺咁耐,總希望自己個囡會有人錫,我明白佢哋,但都希望佢哋可以畀啲時間我,我仲唔急嘅,想拼搏多3年以上,今年又咁啱去北京有新發展,因為參加完比賽出嚟捱咗6年先簽到依家間好公司,唔想啱啱有新開始就走去結婚,結咗婚始終有個家庭負擔。」

場地:九龍灣MegaBox CEO


來源 source: http://hk.on.cc
鍾意就快D Share啦!