鄧麗欣入行16年，先後參演逾40部電影，今年終憑電影《空手道》獲讚賞，早前摘下香港電影評論學會最佳女演員，昨日再在「最港電影大獎」奪得「最港女演員」，Stephy說：「今次係我第二個演員獎項，我覺得呢啲幸福嚟得突然，希望keep住有呢個成績。多謝大家嘅愛，每一票都係份愛。」
Stephy亦憑《空手道》角逐金像獎影后，她說：「唔敢諗亦唔敢講，有提名已好開心。」在戲中有不少被打場面，Stephy特別多謝杜汶澤：「冇佢唔會有呢套戲，我亦唔會有機會拍。如果俾人打可以攞呢個獎，真係好值得！」能夠提名獎項，令Stephy想法有變：「多咗一份責任，未來揀劇本要慎重啲，希望可以拍多啲不一樣嘅電影，好多故事題材都可以考慮。」
君如頒獎時搞笑將「最港女演員」讀為最「港女」演員，Stephy回應：「我演過九成港片電影，八成係演港女，《空手道》角色都係港女。」
來源 source: http://hk.entertainment.appledaily.com
|
鍾意就快D Share啦！
|
|
|
