掃呢頁CODE去手機

2018年3月23日 星期五

財政預算案:補鑊派錢:無業年輕人成大贏家 網上狂歡 __,預算案,

財爺最新的補鑊方案,掀起新一輪網上大激辯!(設計圖片)新一年度財政預算案,喺庫房嚴重水浸下拒絕全民派錢早前被鬧爆。財政司司長陳茂波「唔派又派」,今日( ...


財爺最新的補鑊方案,掀起新一輪網上大激辯!(設計圖片)


新一年度財政預算案,喺庫房嚴重水浸下拒絕全民派錢早前被鬧爆。財政司司長陳茂波「唔派又派」,今日(23日)竟發布補鑊方案,向合資格市民,派發每人4000港元津貼,不過話要申請先有得攞!

對於今次補鑊方案,最受惠者莫過係一眾年滿18歲嘅學生哥。有自稱學生的網民表示,自己雖然留學外國,不過「唔理咁多,下年飛返香港拎!」,亦有網民留言多謝政府:「使緊屋企錢,冇返工,冇物業,又多$4000零用錢!」、「拎4000蚊報DSE先」!

惟不少網民直斥補鑊方案不公,指該方案是「明益大學生計劃」、「廢青終於有金執!」、「懲罰緊搵兩萬零班打公仔」,有人更指「呢筆資金有部分有機會流入股票市場!」

另外,有不少網民更怒轟財爺派錢化簡為「煩」,「左計右計,唔係人人派錢,加埋行政費反而仲大成本」、「攪(搞)到咁鬼複雜,分分鐘畀行政費仲多」。有人更稱「不如明年政府搞全民退休(保障)仲好啦,唔使審查每人6000元生活費,咁就真係老有所依!」

---------------

《港呢啲》:大事小事騎呢事,東網嚴謹選題,輕鬆製作!


來源 source: http://hk.on.cc
鍾意就快D Share啦!