掃呢頁CODE去手機

2018年3月12日 星期一

【陳換人】變身爆肌大隻佬 陳奐仁都驚冇人認得自己 __,陳奐仁,

講起陳奐仁,大家會諗起啲咩?答案可能有好多。現年42歲嘅陳奐仁,嚟自新加坡,身兼作曲家、填詞人、歌手、唱片監製、混音師、伴唱、歌唱評判、主持、演員等等 ...




講起陳奐仁,大家會諗起啲咩?答案可能有好多。

現年42歲嘅陳奐仁,嚟自新加坡,身兼作曲家、填詞人、歌手、唱片監製、混音師、伴唱、歌唱評判、主持、演員等等等等多到數唔晒嘅身份,喺音樂上可以話係才華洋溢,99年開始幫整個亞洲樂壇作曲填詞,作品無數,特別係香港樂壇,總有一首你聽過,講唱歌,遠有陳奕迅03年演唱會嘅《愛是懷疑》、近有17年上大陸節目《中國有嘻哈》,一樣技驚四座,就連電影都難佢唔到,首次拍電影就已經拎到金像獎最佳新演員獎,真係「周身刀張張利」。

不過講咗咁多樣嘢,有一樣你可能諗都冇諗過,就係陳奐仁都可以係「爆肌大隻仔」,無錯,講緊嘅係每次見到都笑得好燦爛、望落好可愛嘅陳奐仁!今日Hanjin喺社交網站貼咗一段短片,見到佢喺健身房上身赤裸咁玩戰繩,上身線條出晒嚟之餘仲隱約見到有腹肌,同佢出道時畀人嘅印象可以話係差天共地,連佢自己都寫道:「Recognise me?(認得我嗎?)」,原來,世上真係無難事㗎。

精選娛聞,喺晒《娛果》

http://fb.com/appledailyent



現年42歲嘅陳奐仁,嚟自新加坡,身兼多到數唔晒嘅身份。(資料圖片)
陳奐仁喺音樂上可以話係才華洋溢,作品多到數唔晒。(資料圖片)
有一樣你可能諗都冇諗過,就係陳奐仁都可以係「爆肌大隻仔」。(互聯網圖片)
今日Hanjin喺社交網站貼咗一段短片,見到佢喺健身房上身赤裸咁玩戰繩。(互聯網圖片)
o依家嘅陳奐仁同佢出道時比人嘅印象可以話係差天共地。(互聯網圖片)

鍾意就快D Share啦!