林峯表示在工作上接受挑戰，但當問到如果拍戲遇上吳千語會點？佢就冇回答。
藝人林峯晚上到中環出席品牌活動，見他雙眼通紅，他解釋是連夜拍戲所致：「我今朝由6點一直做嘢做到依家，又要開電影又要開劇。演緊嘅兩個角色都好大分別，個反差好大，依家開始都有少少精神分裂。」
問可有時間拍拖？他以一貫工作為重作解釋：「依家工作為主啦，生活好充實。（新的另一半會好悶？）工作為主，感情嘢唔講，上次交代埋之後我就唔再講喇，一條心淨係對工作。（幾時會講感情？）我成日都話出席活動嘅時候要尊重大會，希望個焦點落番喺個活動度。（依家係寄情工作療情傷？）我不嬲都係一個工作狂，之前兩年就專注音樂，依家就喺影視方面，好開心可以遇到好大嘅挑戰。」
工作遇上吳千語會點？
如果再發展一段感情，是否不會再高調講愛？林峯大呼求饒：「真係唔講嘢，放過我喇。（吳千語話同你唔係朋友喎？）都已經交代過一次，就唔再講，講工作上嘅嘢我無任歡迎。（咁如果工作上遇到會唔會避？）作為專業演員，我希望可以喺工作上有啲挑戰，同埋畀到大家驚喜。（遇到千語都大挑戰？）我指角色上！」
曾變相同黃牛黨對抗
最近黃牛黨炒飛行為猖獗，有人提議應以「實名制」買飛，問是否贊成？林峯説：「雖然聽落好似可以防止炒飛，但係如果真係咁做，本身紅館排隊入場已經要好耐，如果再要逐個睇身份證，真係唔知要搞幾耐，可能會引起唔方便。（你認為有冇咩方法可以防止炒飛？）暫時未諗到喎，我自己都有試過買飛畀親戚朋友，最後佢哋唔得閑，我叫我啲同事原價放番出去，都叫做變相同黃牛黨對抗。」
我嘅演唱冇乜加過價
他又說在香港看演唱會無論是價錢、環境和設備方面都是屬於優質：「咁多年我嘅演唱會飛都係冇乜加過價，唔想有啲讀緊書嘅朋友太大負擔。」
來源 source: http://hk.on.cc
|
鍾意就快D Share啦！
|
|
|