2018年3月22日 星期四

老公會投票!毛舜筠有信心奪金像獎影后 __,金像獎,毛舜筠,

毛舜筠出席醫學美容中心的續約儀式。影星毛舜筠出席醫學美容中心的續約儀式,她表示續約是開心價,更笑言自己從來唔緊張皮膚護理,連Facial也不做,只緊張 ...


毛舜筠出席醫學美容中心的續約儀式。


影星毛舜筠出席醫學美容中心的續約儀式,她表示續約是開心價,更笑言自己從來唔緊張皮膚護理,連Facial也不做,只緊張做運動。毛舜筠指自己日日做運動、是運動人,愛做空中瑜伽、跑步和gym,她透露家中有個房間專做空中瑜伽,問老公區丁平有否一同做運動?她說:「老公好懶,佢解釋話自己天生冇運動細胞,話我只係天生有運動細胞。佢每次行過間房,見到我做空中瑜伽,就話你『吊緊』?我話係呀『吊緊』,佢知老婆乜都做得出。」但她並不考慮考瑜伽牌,不愛考試的她指決定考藍帶國際學院修讀廚藝課程已是最大的挑戰,不想令做運動變成緊張的事。

提到今年角逐金像獎最佳女主角,曾揚言恨攞獎的毛舜筠指信心一直都有,並已獲名牌晚裝和首飾贊助,當日細女更會陪她出席,她說:「細女聽講話同我去,到時可能佢會緊張到唔去㗎!老公唔喺香港,細女呢一刻仲係好開心。(有冇幫女揀定衫?)佢真係有叫我揀定衫畀佢,佢唔慣見大場面,(細女都對你有信心?)我哋屋企人成日互相鼓勵,經常話You are the best。」早前毛舜筠自爆掉了老公的票而與鄧麗欣瓜分導演會影后,她笑言金像獎時,老公已講明一定會投票。

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!
Related Posts Plugin for WordPress, Blogger...