2018年3月15日 星期四

揸車被歧視係女人 鄧麗欣唔使男人照顧 __,鄧麗欣,

Stephy話好多時揸車稍微失手或cut線快咗,都會畀隔籬司機望一望!藝人鄧麗欣(Stephy)向來熱心公益,早前她就隨國際培幼會到尼泊爾一星期,探訪 ...


Stephy話好多時揸車稍微失手或cut線快咗,都會畀隔籬司機望一望!


藝人鄧麗欣(Stephy)向來熱心公益,早前她就隨國際培幼會到尼泊爾一星期,探訪曾被販賣做奴隸的女孩,現時她們已可重過新生活。她謂聽到她們的故事很心痛:「好多7、8歲時已被父母賣去做奴隸,但其實父母都好心痛,因屋企太窮,迫不得已咁做,希望個女可以有食有住,但其實好多都係畀人呃,賣咗又冇錢收到,個女去到原來不但做奴隸,又冇啖好食同冇地方住,每日仲由朝早4點起身做到夜晚11點,記得有個7、8歲嘅女仔係要照顧晒一家廿幾個人。」她透露其中一個女孩米娜的故事令她印象深刻:「開心嘅係佢哋依家出返嚟大部分都好堅強,好多都好有理想,有機會讀番書,而米娜就希望做警察,想為女性爭光。」

忍唔住喊

Stephy亦到了女子宿舍探訪,本以為那些女孩會不開心:「但原來佢哋係好開心,亦熱情招待我哋,佢哋好開心捉住我攬我錫我,我有同佢哋一齊打排球、跳舞,都有買文具畀佢哋。」問到探訪期間可有忍不住落淚?她坦言:「有呀,最感動係米娜,聽到佢咁樣係心痛,冇諗過佢哋原來係會畀人打,佢哋亦有講當時唔知可唔可以返到屋企,聽到呢啲幾心痛,但我唔想喺佢面前喊,因為佢表現得好堅強,所以我都要忍住。」

提倡男女平等

她希望藉活動提倡男女平等:「希望可以幫到女性,希望令佢哋屋企人知道女性都可以令人驕傲。(今次最大啟發係咩?)親身感受同平時睇電視係好唔一樣,親身感受完會更珍惜依家擁有嘅嘢,希望盡量用女性嘅身份去令大家知道女性強嘅一面。」

畀隔籬司機望

問到可試過男女不平等的遭遇?Stephy笑住分享駕駛經歷:「雖然我都覺得自己揸車唔錯,但好多時稍微一失手或cut線快咗,就會畀隔籬司機望一望,感覺到佢心入面話『女人!』,覺得被歧視嘅感覺,但唔好話男司機,有時我見到人揸車有啲奇怪,望吓佢,跟住就會心諗『唔怪之得啦』,我都會咁諗,但其實女人係做到好多男人做唔到嘅嘢,例如見到啲阿媽湊仔女就好犀利,同埋女人承受壓力程度係勁啲。」

唔使男人照顧

講到她捍衞女性,問到可會愈來愈不需要男人照顧?她笑言:「我不嬲都唔使男人照顧,就算有另一半,都要有獨立能力照顧自己,現今社會冇話要依靠邊個,最能依靠嘅人係自己。」她亦透露之後會做多些探訪工作,因可以擴闊眼界,而組織下月會舉行慈善跑籌款,她亦會落場跑。

髮型:Vince Pang@IL COLPO platinum

服裝:TOPSHOP

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!
Related Posts Plugin for WordPress, Blogger...