掃呢頁CODE去手機

2018年3月16日 星期五

隱藏高手?甄子丹舞功了得震驚網民 __,子丹,甄子丹,

「宇宙最強」甄子丹居然係「舞」林中人?眾所周知「宇宙最強」甄子丹係一個打得之人,細細個就已經學習各類型嘅武術,所以身手十分了得。不過甄子丹除咗係打得之 ...


「宇宙最強」甄子丹居然係「舞」林中人?


眾所周知「宇宙最強」甄子丹係一個打得之人,細細個就已經學習各類型嘅武術,所以身手十分了得。不過甄子丹除咗係打得之人 ,亦都係「舞」林中人!無綫嘅官方社交平台專頁「See See TVB」就翻炒咗一段當年甄子丹喺節目度大跳「Break Dancing」嘅片段,仲幫佢加埋配樂添!唔少網民睇完之後都話估佢唔到,亦有人問:「我識嘅葉問去咗邊呀!!」

當年只得20歲出頭嘅甄子丹喺《歡樂今宵》同佢嘅拍檔表演刀槍對決,一班觀眾睇到眼定定之餘,仲拍爛晒手掌。不過上得節目又點會淨係表演刀槍,所以甄子丹就話自己準備咗一段「勁舞」,仲話隻舞叫「Break Dancing」!不過就咁睇甄子丹跳舞又好似唔夠過癮,所以呢一個新版本就Key咗幾首歌入去,當中包括《娃娃愛天下》、「Big Big Channel主題曲」、《到此一遊》、《皆大歡喜》、《男人心一字馬》同埋《430穿梭機》。雖然將呢啲歌加埋好似有啲九唔搭八,不過Key落去甄子丹嘅舞蹈入面,唔單止冇違和感,而且每個動作都好啱Beat,真係夠晒抵死!

唔少網民都話估唔到甄子丹跳舞有一手,仲話如果當年甄子丹唔係選擇武術嘅話,話唔定可以做舞王、稱霸舞林添!不過亦都有人話接受唔到「宇宙最強」跳埋啲咁嘅舞,仲大叫:「還我葉問!」

網民有話兒:

Maxxha Kwxan: 配歌嗰個真係要加人工啲歌真係夾到絕呀!

Nxxx Stxxen:甄師父又跳得幾勁喎,有冇興趣出嚟跳番part呀?

Maxxa Hxxi:還我葉問!!真係接受唔到!葉問後生果(嗰)陣好有型㗎嘛!點解會跳啲咁嘅舞!

WxxHuxx Yxxxx:其實佢本身都幾多才多藝,本身打得係人都知,又識彈琴跳舞!

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!