掃呢頁CODE去手機

2018年3月8日 星期四

撇師兄獨遊似單身 祖兒避談感情事 __,師兄,容祖兒,祖兒,劉浩龍,

祖兒真係好有心思呀!天后容祖兒和何超蓮齊齊出席「SmilewithUsHK一起微笑」活動,台上兩人以手語介紹自己的名,而大會播出祖兒的歌曲《世上只有》 ...


祖兒真係好有心思呀!


天后容祖兒和何超蓮齊齊出席「Smile with Us HK一起微笑」活動,台上兩人以手語介紹自己的名,而大會播出祖兒的歌曲《世上只有》由一班小學生以手語表達歌詞。

整1,700罌潤唇膏義賣

講到義賣福袋籌款,祖兒和超蓮接受訪問,祖兒稱感謝超蓮給她機會參予:「自己一直想參予多啲慈善,但自己慈善基金仲係蚊型、幼蟲嚟,今次自己參予少少喇,喺過程入面自己就親自做咗一批潤唇膏大概1,700罌。(點解會識整?)因為我表嫂係一個研製師,所以話要送一啲禮物,我就諗到不如就潤唇膏喇,所以就叫表嫂佢教我,要整嘅時間都好快,潤唇膏係檸檬味好醒神㗎,好潤。」祖兒望着超蓮說:「第一次整咋,我嘅第一次就獻咗畀你。」

至於超蓮表示她和義工用三日時間自整了二千多塊曲奇餅。預計今次活動目標籌多少善款?超蓮說:「目標係40萬,係不計成本全數捐出。(咁你哋用咗幾多成本?)5位數到。」祖兒則言:「唔計呢啲嘅,成本就係我哋嘅心意。」

獨遊英國勁enjoy

祖兒農曆新年都不在香港,講到新年之旅?祖兒說:「ok啦,成個月都唔喺香港,真係好耐冇試過一個人喺英國,有一兩日自己行,好享受獨遊嘅樂趣。」原來祖兒新年期間分別到了英國、澳洲、成都及北京,都是半工作狀態,因英國是去fashion show,澳洲是和克勤開演唱會,之後北京是做春晚節目演出及錄影,逗留最長日子是北京。

潤唇膏潤喉?

講到獨行旅遊男友劉浩龍(師兄)冇影,似過單身生活?祖兒大呼:「咩喎!(你情人節都冇一齊過喎?)哎呀,係咩,唔會講㗎喇呢啲嘢,今日係三八婦女節咁開心嘅日子。( 咁會唔會補番數?)補咩?派利是?」問到師兄演唱會可會去撐場?祖兒點頭說:「嗯!(即係去定唔去?)一定支持。(煲埋湯?)唔好啦,攞去用啦(潤唇膏)可以內服,潤下喉。」


來源 source: http://hk.on.cc
鍾意就快D Share啦!