網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年3月2日 星期五

一秒靚變醜 何傲兒阿鳳上身唱《陪着你走》 __,傲兒,何傲兒,

呢個變化真係驚為天人。藝人何傲兒(Lily)近日喺劇集《波士早晨》「自毀」犧牲靚女形象,做醜女飾演李佳芯個家姐「阿鳳」,憑住呢個哨牙同冬菇頭形象,引起 ...


呢個變化真係驚為天人。


藝人何傲兒(Lily)近日喺劇集《波士早晨》「自毀」犧牲靚女形象,做醜女飾演李佳芯個家姐「阿鳳」,憑住呢個哨牙同冬菇頭形象,引起唔少網民關注,有網友話見到佢呢個形象食唔落飯,亦有網友為佢抱不平,話好似醜化咗Lily!

向來好鍾意喺網上同網友互動嘅Lily,尋晚喺社交網站開Live,邊自彈自唱同成班網友傾吓偈,一開始Lily就問網友當阿鳳出場嘅時候,究竟認唔認得出係佢,之後Lily仲接住話有網友私訊佢,話其實真係唔認得佢,令到Lily睇完好開心,因為咁樣代表佢係成功,仲係咁大騷照片同網友分享佢嘅變醜過程。

愈傾愈興奮嘅Lily,話喺《波》劇已經以醜女形象示人,所以今次開直播都好想用真面目咁同大家彈琴唱歌,所以即場喺大家面前落妝,唔少網友都話佢妝前妝後都係咁靚女,真係天生麗質!落完妝之後,Lily仲自彈自唱《陪着你走》,雖然Lily自嘲彈得好差,但仍然收到唔少網友嘅鼓勵,話佢已經彈得唔錯!

去到最後,Lily應大批網友要求,戴番個招牌阿鳳哨牙牙套同大家唱歌,起初Lily都唔敢戴,但網友講多兩句,佢終於都肯。之不過Lily戴完之後,突然好怕醜又驚唔靚女,開頭仲用隻手遮住個口,但同大家傾多一陣,就肯慢慢鬆開隻手,之後仲用「阿鳳Tone」同大家傾偈兼唱《波》劇主題曲《找個離開你的理由》,唔少網友都話好好笑,雖然加左副哨牙,但其實一樣都係靚,叫佢唔使咁驚!

網民有話兒:

Caxxxn Cxxng: 雖然阿鳳有哨牙,有點缺陷,但都是缺陷美,而你有內涵,心地善良,可以平衡番!

Paxxxne Cxxn:妝前妝後都一樣咁省鏡

Loi Chxxg Wxxg:戴埋之後嘅反差萌好極呀!

Kx xxn : 化咗妝精神啲,基本上無分別


來源 source: http://hk.on.cc
鍾意就快D Share啦!