掃呢頁CODE去手機

2018年3月26日 星期一

【與男密友同遊】楊冪去大阪環球影城玩 網民追問:不陪老公小孩? __,楊冪,

初初拍拖係熱戀期,婚後就係適應期,好似劉愷威同楊冪相戀1年幾不時喺社交網放閃,人前恩愛,2014年結婚,5個月後生咗囡囡「小糯米」,點知婚後劉愷威同楊 ...




初初拍拖係熱戀期,婚後就係適應期,好似劉愷威同楊冪相戀1年幾不時喺社交網放閃,人前恩愛,2014年結婚,5個月後生咗囡囡「小糯米」,點知婚後劉愷威同楊冪被指貌合神離,兩夫妻各有各忙,聚少離多,快速戀愛節奏過後,屢傳婚變。

而楊冪去年承諾會抽時間陪家人,噚日有網民影到戴黑色口罩、着螢光綠衛衣嘅楊冪,身在大阪環球影城,相中見楊冪與好友張大大正在排隊,楊冪童心未泯,頸掛住一個Minions爆谷桶,左手拎住手機,唔少網民都留言問楊冪點知唔同老公劉愷威或囡囡「小糯米」結伴外遊,「為甚麼不陪老公小孩」,又問為甚麼不跟囡囡「小糯米」去樂園。

另有楊冪fans就代偶像解釋,稱楊冪係出外工作,順便輕鬆一下,而且助手有同行,指「她在家跟孩子一起又不會時時刻刻出來說」,有fans反問難道一個女人結咗婚,就唔可以有私人時間。有傳今次楊冪去日本影雜誌相,先趁機同好友四圍行。



有網民噚日喺大阪環球影城見到楊冪。微博截圖
fans就代偶像解釋稱楊冪係出外工作。微博圖片
楊冪同Baby均係好友張大大。微博圖片

鍾意就快D Share啦!