無綫劇《三個女人一個「因」》近排熱播中，劇中女主角黃智雯擁有三重人格，同時飾演野性、知性同悲觀嘅角色，備受觀眾追捧。深受宅男歡迎嘅索爆人妻陳華鑫，呢日為無綫官方平台專頁「See See TVB」拍片挑戰雙面伊人一角，仲玩埋「男友視角」畀大家體驗做佢男友嘅滋味。一面係溫柔嬌嗲、另一面就係霸道無禮嘅女友，兩個陳華鑫畀你揀，你會點揀？
片中所見，陳華鑫先化身溫柔嬌嗲型女友，同「男友」約會遲到時即耍冧Say Sorry，仲撒嬌叫「男友」唔好嬲嬲豬。正所謂撒嬌女人最攞命，見到陳華鑫係咁嗲你、又嘟嘴仔扮慘，加上望住佢個靚樣，點嬲得落先！不過陳華鑫嘅撒手鐧點止得咁少，當然仲有體諒「男友」冇咩錢，拍拖搭巴士都冇怨言，對方唔識睇地圖帶路又唔會炆，反而安慰番人哋，認真體貼入微，簡直係一等一嘅女友！難怪冧到鏡頭外嘅「男友」們暈到一陣陣。
點知鏡頭一轉，陳華鑫突然轉做港女型女友，冇嗲招唔在講，仲要鬧「男友」鬧得勁自如！明明係陳華鑫遲到都畀佢鬧翻轉頭話：「趕住去死？」唔識睇地圖又要被鬧爆：「搵隻導盲犬帶路都好過跟你行囉！」冇錢買車車佢又被轟：「同你條廢柴搭巴士嘥我時間！」真係做咩都錯嗚嗚嗚…唔少網民都表示接受唔到陳華鑫咁大轉變，高呼「還我溫柔鑫鑫BB」，但亦有人話如果陳華鑫肯做佢女友，就算畀人打、畀人鬧都絕對冇問題！即係咁…陳華鑫結咗婚喇，大家醒吓
網民有話兒：
CarXXXtsu：我全都要！！！
XXngChiKoXX：現實永遠係殘酷嘅…
阿X：有個咁索嘅女友，畀人打同鬧又點話！
AnsonL1XX：還我溫柔鑫鑫BB！
XXXIoChou：趁後生搵過第二個啦～
----------------------------
東網巨星開咗ig喇，大家快啲follow
https://goo.gl/KGuo2N
|
鍾意就快D Share啦！
|
|
|