曾幾何時圈中都仲有好多未結婚，甚至乎單身嘅男神，係一眾女仔夢寐以求嘅男朋友，但突然之間唔少男神兼筍盤都結婚，又有女朋友，封晒盤！打碎咗唔少女仔嘅心，愛人結婚，但新娘不是你呢種感覺，真係非筆墨形容！數數手指，淨番嘅單身形男，又真係少之又少，台灣型男彭于晏、金城武、張孝全、香港藝人古天樂、陳偉霆等都係僅餘嘅男神，女士們有得望好望多幾眼，唔係好快又「失戀」！
彭于晏
35歲彭于晏一定係女士們公認嘅男神，型仔夠大隻，而且充滿陽光男氣息，仲要喺外國讀過書，佢喺電影《激戰》大隻型男半裸上身就爆晒肌，真係迷倒唔少女仔，之前有段以第一身視角望住彭于晏嘅短片，而突然出現不少「彭太太」，人人爭做其太太，認真誇張。咁啱原本都係男神之一嘅余文樂舊年結婚封盤，兩個又係兄弟，彭于晏被視為「緋聞男友」，佢除咗去觀禮外，更惡搞P圖將自己樣子取代新娘，令到唔少女仔都話要慰藉彭于晏，要嫁畀佢咁話！
金城武
台日混血兒金城武係神級型男，靚仔樣成功俘虜一眾少女心，其中間分界嘅長髮造型，更充滿日系感覺，而且每次拍戲金城武都係做型男角色，戲裏戲外一樣有型，咁多年金城武都只係傳過有女朋友，但通通都被否認。44歲的金城武近年都充滿男人味，雖然被指已經秘密結婚，但佢都冇認過，各位女士們都仲有機！
張孝全
34歲的張孝全不時喺戲中飾演情深嘅暖男，佢除咗係暖男，身為大隻仔嘅佢都已經令一眾少女尖叫，但佢不時被爆有女朋友，而且曾於2015年32歲生日正式認愛，首度晒出拍拖甜蜜合照，更一度傳出結訊，令到一眾女士失望，但2016年他突然對外宣布單身，令到一眾女士又再次燃起希望，不過佢話過如果遇到合適對象就會閃婚，所以分分鐘佢係下個男神會封盤。
古天樂
古天樂無論做笑片定情深男子一樣好吸睛，淨係睇電影《單身男女》人人都想做高圓圓就知啦，兩個型男爭一女，真係做戲先有。但現實中古天樂已經進化到係一位鑽石男神，雖然已經47歲，但一樣大把人鍾意佢，男人味愈耐愈有勁，睇你鍾意邊類型，而且單身同專一絕對係男神裏面最重要嘅元素，咁多年佢除咗認過女友黃紀瑩，分手後都冇再講過感情，緋聞都係得個傳字，亦未被人影過，有錢又有型，仲唔係非一般男神？
陳偉霆
陳偉霆由香港歌手出身，之後轉戰內地，人氣急升搵人仔！佢除咗跳舞了得之外，飾演內地劇都收得，除了造型吸引外，他現實中成日騷肌，濕身騷胸肌，成功吸引到不少粉絲，而且佢愈來愈韓仔造型，都成功搶到一班少女心。現在32歲的他曾與Angelababy及蔡卓妍拍拖，分手後雖然到內地發展後有不少緋聞，但都未有承認，仍然力保單身形象。
----------------------------
東網巨星開咗ig喇，大家快啲follow
https://goo.gl/KGuo2N
|
鍾意就快D Share啦！
|
|
|
