掃呢頁CODE去手機

2018年3月15日 星期四

「菠蘿椰奶」受歡迎 黃智雯人格分裂獲激讚 __,黃智雯,

黃智雯憑新劇角色大受網民支持。無綫劇集《三個女人一個「因」》已經播出咗差唔多成個月,開頭外界可能認為呢套劇係倉底貨,始終都放咗半年先播出,估唔到播出後 ...


黃智雯憑新劇角色大受網民支持。


無綫劇集《三個女人一個「因」》已經播出咗差唔多成個月,開頭外界可能認為呢套劇係倉底貨,始終都放咗半年先播出,估唔到播出後反應比預期熱烈,而且大部分Feedback都係讚女主角黃智雯表現出色,仲話好期待佢拎視后添!

事關今次黃智雯面對嘅挑戰都幾大,佢喺劇中飾演有三重人格嘅主角,都唔係未聽過有演員過於投入演人格分裂角色,最後自己都有心理問題不過各位黃智雯嘅影迷你哋放心,今次你哋偶像不但駕馭得好好,仲將每個人格演繹得入型入格、大獲好評。有網民仲話特別鍾意佢飾演個性狂野暴躁、豪放嘅次人格「菠蘿椰奶」,大讚好有女人味、好Sexy喎!唔知現實生活中,男士們又鍾意邊一種人格嘅女友呢?

黃智雯喺最新宣傳片中單肩露膊上陣,以唔同人格應對情況。講到尋日白色情人節收男友禮物,當中最突出嘅一定係「菠蘿椰奶」以私人珍藏豹紋Bra回禮,仲單眼放晒電兼送飛吻!而氹男友方面,佢同樣使出冧功,仲拎出麻繩大玩挑逗,係男人見到都把持唔住呀!不過男友唔回覆短訊,大部分女士都一定嬲嬲豬,所以相信男士們一定最鍾意女強人「方以因」嘅反應,點解?女士要夠自信先吸引嘛!

網民有話兒:

Rexxx xxo:三個加埋就Perfect啦😆

X楓:首先我要佢保持住黃智雯嘅面孔,其他後話😍

xxxxy xg:最鐘意方以因同愁mak mak,加油!你做得好好!好鐘意睇呀❤️❤️

Pxxi Wxxg:皆因三人格都是同一樣,是你就已經非常好。

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!