網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年3月14日 星期三

周身肌肉被質疑 余迪偉:以為我得棚骨? __,

余迪偉就話自己大把料!DJ余迪偉將於4月6至8日在香港演藝學院演出個人劇場,他坦言劇本已經構思多年,打算分享自己成長的故事:「我屋企嗰種教育教到我好騎 ...


余迪偉就話自己大把料!


DJ余迪偉將於4月6至8日在香港演藝學院演出個人劇場,他坦言劇本已經構思多年,打算分享自己成長的故事:「我屋企嗰種教育教到我好騎呢,跟住我去咗外國,受到東撞西嘅文化衝擊。我點樣成為電台節目主持、出書,又畀人稱為愛情專家?點解我變成一個咁嘅嘢?我嘅成長、教育、遇到嘅人與事全部都有關,觀眾都一定有共鳴。」他指這一代人沒經歷過戰亂或饑荒,人生最大衝擊就是轉變:「例如97年香港回歸,有同學漸漸遠離你,去咗澳洲、美國、加拿大移民,之後又有班朋友回流返嚟,到底呢啲轉變對我哋係咩事?希望故事令到大家感動。」

提到騷名叫《一支弓》,迪偉解釋不希望觀眾以為是單純棟篤笑:「係劇場騷,我會分飾好多唔同角色。有次我沖沖吓涼諗,個騷英文名可以叫《One Man Show》,然後望住自己一支公,代表公乸個公,又代表弓箭個弓,我就發短訊問大家,大家話好、幾搶耳,又有畫面,就用咗呢個名。」至於海報的他赤裸上身手執弓箭,他笑言不斷被人轟炸其手機和社交平台問孰真孰假:「我嘅答案好簡單,點解我唔可以有咁靚嘅身形?個個都覺得我得棚骨?其實唔係,入面有好多乾坤,大家嚟睇騷咪知!(有操開肌?)操開同騷開係兩件事,不嬲我冇乜騷開,到呢個騷我先騷!」

迪偉預告內容包括愛情及性探索,直指香港性教育一直不足:「我想18歲以上人士入場睇,但海報寫明到時唔會查身份證,你哋自己諗!」他笑說擔心自己到時會載歌載舞,又會找三山五嶽的人幫手做騎呢角色:「幾賞心悅目。(有藝人幫手?)暫時要賣吓關子,到時台上除咗我,仲有舞蹈員同音樂人。如果藝人朋友想上台幫手,唔該打個電話畀我報定名先,因為好多人排緊隊。」

髮型:Winky Wong @ The Attic

化妝:Echo Wong

服裝:Wagamamaplayground

地點:Secret 9


來源 source: http://hk.on.cc
鍾意就快D Share啦!