掃呢頁CODE去手機

2018年3月22日 星期四

夠晒精神!林利預三個月時間康復 __,

等你出書。歌手林利證實患上直腸癌並完成切除腫瘤手術後,今日首度現身電台接受訪問。見他笑容滿面精神不俗,說話時仍是輕聲細語。他笑言因爲久居台灣,對香港很 ...


等你出書。


歌手林利證實患上直腸癌並完成切除腫瘤手術後,今日首度現身電台接受訪問。見他笑容滿面精神不俗,說話時仍是輕聲細語。他笑言因爲久居台灣,對香港很多地方仍不熟悉,故要預早一個鐘頭出發往電台。

需要兩、三個月時間恢復

接受訪問時,他坦言身體恢復進度理想:「做咗手術之後影響咗消化,條腸短咗所以去廁所嘅頻率多咗,醫生話需要兩、三個月時間身體先至可以恢復正常。其實係好難會諗到腸癌呢件事會發生喺自己身上,我呢十幾廿年來都作息正常,差不多10點幾瞓覺朝早5點幾起身,連晚飯聚會都好少出席,所以呢啲嘢真係好難預料,政府要大家去檢查大腸真係有原因。」他又說要鼓勵身邊的人去做身體檢查:「呢個真係要,兩年前我都仲覺得身體狀況好圓滿,但係過咗四十幾歲原來免疫力真係會變差好多。」他說如今的心情很平靜:「可能因為住得台灣耐咗,嗰邊生活節奏慢啲,空間又大啲,同埋做得呢行耐咗,識得經營自己,我依家個人係冇咩雜念,唔會話特別唔開心。」

打算出書講「大叔」心情記錄

自患病後林利定期在社交網站上載的「大叔日記」心情記錄開始受到關注,問有冇打算集結成書?他透露已經跟台灣出版社商討中:「之前喺台灣已經出過一本,今次打算出第二本,依家潮流興大叔吖嘛,幾大認咗先,哈哈!」

林利在去年10月因爲想長留香港陪伴母親,所以簽了邵氏五年約,並即將在四月份開工拍攝劇集,問到會否擔心體力難以應付?他說:「我問過喇,今次係全外景,冇廠景,都係開早,相對冇咁辛苦。」


來源 source: http://hk.on.cc
鍾意就快D Share啦!